Prome minister Evelyn Wever Croes a haci bishita na Fundacion di hende muhe den dificultad ( Fundacion contra violencia Relacional) for di comienso di aña 2020. Sinembargo e mandatario no a haci e bishita aki su so , pero cu e tabata hunto cu secretario di estado Raymond Knops. Ambos a haci bishita na e fundacion aki y por a mira y combersa hopi riba diferente temanan importante pa e fundacion por sigui duna sosten na e hende muhe cu ta confronta su mes cu diferente situacionnan indesea di maltrato. Sinembargo un di e puntonan cu mas tabata preocupa e fundacion ta cu no tabata tin suficiente camber pa por laga e hende muhe haya e ayudo necesario.
Despues cu e reuni den luna di januari 2020 , awe despues di algun luna por a tuma nota di e cambio y e progreso grandi cu e fundacion a ricibi pa asina por tin espacio pa sigui yuda esunnan cu mas tin mester na momento cu e haya su mes den un situacion cu e no por keda mas unda cu e ta kedando. Awor Fundacion pa hende muhe den dificultad lo inaugura nan expansion di 16 camber mas cu nan tin extra banda di esunnan cu ya caba cu nan tin. Fundacion pa hende muhe den dificultad ta sumamente contento y ta gradici tur esunnan cu a forma parti di e proyecto aki y cu por a haci esaki posibel pa e fundacion por duna mas ayudo na e hende muhe.
