Kralendijk – Ocho persona ku a partisipá na un estudio pa bira kolaboradó logístiko a finalisá e trayekto ku éksito. E estudio ta parti di e proyekto di trabou ‘Ban Traha’. Durante un seremonia festivo Diputado Nina den Heyer a duna e partisipantenan nan diploma i sertifikado. Boneiru tin asina den un tiru ocho kolaboradó logístiko studiá aserka.
E proyekto ‘Ban Traha’ na ougùstùs a ofresé na ocho persona un estudio práktiko di kolaboradó logístiko. Onderwijs Instituut Caribisch Nederland (OICN) i Bonaire Sweeping & Recycling B.V. (BS&R) tabata enkargá pa duna e lèsnan. Tur e ocho partisipantenan ku a logra di kaba e estudio por hasi traha den un depósito. Tambe nan por kore un lòli.
Ku orguyo diputado Den Heyer a otorgá e diploma i sertifikado na e ocho partisipantenan. Durante e seremonia festivo a tene kuenta ku e medidanan di corona. ‘Ban Traha’ ta un inisiativa di e direktorado di Komunidat i Kuido i ta duna esnan ku ta buska i tin difikultat pa haña trabou un sosten pa logra esaki. Algun di e partisipantenan mientrastantu a haña trabou. E otro partisipantenan ta haña ayudo di ‘Ban Traha’ pa haña un trabou ku ta pas ku nan preparashon. Esnan ku ta interesá pa duna un di e partisipantenan trabou por tuma kontakto ku ‘Ban Traha’ na number di telefòn +599 777 2246. 