Parlamentario Endy Croes den conferencia di prensa a elabora cu Dia 31 di July tabatin un reunion den parlamento caminda ex minister Marisol Lopez Tromp cu su arugancia a zwaai un papel y grita y hunga un show completo den parlamento cu tin corupcion y tin spirito.
Despues a manda yama e ex mandatario bek dia 2 di September pa continua cu e reunion e mandatario a sigui zwaai cu e papel cu lo tin corupcion. Sinembaro na e momento ey diferente parlamentario a lanta y pidi e ex mandatario tur e 30 puntonan cu e la bin ta grita di corupcion den parlamento pa haci entrega di esaki nan pa asina parlamento mira mas di serca kico nan ta realmente.
E documentonan a bay ter inzage pero pa sorpresa 10 di e documentonan tabata carta interno cu no tin nada di haber cu corupcion y 5 di nan tabata di toezegging pa trabao , den e caso aki nan a prohibi sierto empleadonan pa drenta DIP .
Tambe 4 di e documentonan tabata di contractnan di 1000 florin cu media tabata duna nan servicio. Sinembargo na final di dia ora cu mester tuma nota di henter e show cu e ex mandatario a haci den parlamento pa manipula un pueblo cu ganjamento tabata un falsedad y mentira di e ex mandatario Marisol Lopez Tromp. Sinembargo ainda te awe ainda e la keda debe parlamento di Aruba e contesta di supuesto corupcionnan cu tin.
