Denise de Jongh Rekwest a hasi entrega di un pakete di dos diferente buki na Bibitioteka Públiko i tur skolnan básiko. E gesto a keda hasi den kuadro di e siman di buki di mucha.
E aña aki Request Publishing di Denise de Jongh Rekwest a publiká dos buki i a hasi donashon di e bukinan aki na skolnan básiko i tambe na biblioteka públiko. Un di e bukinan ta “Tekki e totèki. Papiamento ta topa Papiamentu, skirbí pa e outor Richard Dabian. Richard ta di Aruba i ta outor di kuenta, kantika i deklamadó di poema. E ta presentá na Telearuba e programa “Conta mi”, den kua e ta konta mucha storia bou di e nòmber di Oompie Richie. Den e buki aki ta bai den historia netamente lokual ta e tema i ta trata dichonan di antes.
E di dos buki ta “Bòchi Blòblò den pèrtá”. E ta na Papiamentu i ta skirbí pa Merly Augusta. Merly ta di Kòrsou i ta outor di kuenta, kantika, poesia I rima rítmiko pa mucha. Dentro di poko por fia e bukinan aki na biblioteka públiko tambe. Biblioteka Públiko ta spera ku muchanan lo disfrutá di e bukinan.
