Rennox Calmes ta un parlamentario independiente den parlamento di Korsou, e la duna di conoce cu e tambe a tuma nota di loke ta pasando na kenepa , hopi hende ta yama rampa pero pa su persona e ta un monster.
Segun parlamentario independiente Rennox Calmes no ta prome biaha minister Zita Jesus Leito cu ta minister di trafico, transporte y planificacion urbano na Korsou ta haci tipo di actonan asina aki, y pa su persona esaki ta bay den grado risitivista.
Segun parlamentario Rennox Calmes risidivista ta un persona cu cada bes ta haci mes un cos. Den pasado loke cu e tuma luga caba y despues di hopi discucion y cu hasta pueblo mes a lanta,mesora a aparece algun documento cu te awe no tin claridad riba nan.
Despues a tuma luga mes un cos na klein Korsou y cu te awe por mira cu klein Korsou a keda mes un cos. Si mester papia riba e proyectonan di palonan di mangel riba rif caminda cu un par di studiante a hera perde nan futuro dies paso nan a deseña algo cu ta full otro cu ta for di e pensamento di e minister.
Sinembargo te awe ta mira construccion na e rif pero e awa sushi di hospital ainda no ta mira un claridad riba dje. Segun Rennox Calmes te cu awe e stakanan na Sonesta riba beach ta pega , esaki kiermen no tabatatin un correccion.
Awor tin un otro situacion mas cu ta esun di kenepa cu ta un monster y cu ta insolito cu un minister ta bisa cu e tin 17 aña den politica y e ta bisa publicamente cu e no tabata sa cu tin un construccion ta tuma luga na playa di kenepa.
Segun e LMA e toegangontzegging ta un medida pa hopi biaha no duna un schorsing debi cu un schorsing ta mucho mas severo. Sinembargo un toegangontzegging ta pa e persona no yega serca di e sitio y of no por subi e tereno ey dor di investigacion.
Parlamentario independiente Rennox Calmes ta cuestiona ken ta esun cu ta haci investigacion ? E director ? Segun Rennox Calmes e ora e investigacion no ta un investigacion cu ta gosa di integridad debi cu e mes un hendenan involvi of cu mester ta na altura pa tur ta cana bon no por ta esun cu ta haci investigacion.
Parlamentario independiente Rennox Calmes ta kere cu e investigacion mester wordo haci netamente dor di un instancia priva of un otro departamento priva. E toegangontzegging aki ta un wega politico , na final den e carta tin para cu ta pa 4 siman y loke ta bay pasa na final algo cu nos tur sa debi cu e la yega di pasa un cantidad di biaha caba unda cu nan lo bay duna nan un schorsing y e schorsing ta bay dura te despues di eleccion den luna di maart, segun parlamentario independiente Rennox Calmes,tur e situacion aki ta un wega politico. Dutchcaribbeantv y eanews,com ta conectabo cu caribbe