Aruba y mundo a confronta un crisis mundial den salud, henter mundo a pone enfasis y atencion den e area aki, sinembargo aki na Aruba e crisis no ta solamente den salud pero tambe den infrastructura den bisindario di hospital, asina conoci como e zona medico.
Pashentnan y profesionalnan tin un situacion desagradabel cu nan ta pasa aden prome nan yega nan trabao y of e pashent cu mester pasa den un situacion no aceptabel prome cu nan yega nan cita cu nan specialista. Den e bisindario tin specialistanan di pulmon, Heurology,sirugano , Neuroloog , Gynicoloog cu na momento cu un persona na estado cu tur su dolor lo mester pasa riba un caminda no adecuado pa por yega su cita. Alabes tambe por imagina si mester presenta un situacion cu ambulance mester busca un pashent na e specialista pa cualkier motibo cu e por ta y ta haya su mes cu e ambulance lo mester ta hopi cauteloso y cu lo hiba un tardansa tambe pa por yega hospital na ora pa e pashent haya e yudansa mas avansa.
E caya di profecionalnan yama zona medico a keda lubida , un cartera di santo ubica banda recht di hospital den e caya di Dr Loy Arends ta laga hopi di desea, tur dia pashentnan di Dr. Horacio E. Oduber Hospitaal cu ta bishita e area aki y kehonan ta drenta constantemente riba e caminda no adecua cu nan mester pasa pa yega nan cita, prinsipalmente na momento cu nan caba di opera y cu nan mester bin controla serca di nan dokter. Sinembargo tampoco no tin otro solucion of otro caminda pa scoge debi cu ta un solo entrada y salida tin.
Ciudadanonan tin comprension pa e situacion di COVID 19 cu a afecta Aruba , pero ta haci un apelacion na gobierno , principalmente na minister di Salud y minister di infrastructura pa mira e situacion y evalua esaki y sigur ta bon bini pa pasa den bisindario y sinti loke cu cada ciudadano cu ta bin nan cita despues di nan operacion ta sinti pa por yega pa haci nan control.
