Den parlamento a keda trata e presupuesto supletorio relaciona cu COVDI19 cu ta un pandemia cu a haci hopi efecto na Aruba. Presidente di Parlamento Ady Thijsen a habri e reunion y a pasa e palabra pa Prome Minister di Aruba Evelyn Wever Croes. E mandatario principal di Aruba a informa parlamento riba e update cu tin cu Hulanda, mirando cu esey ta un punto hopi importante mirando e presupuesto supletorio cu parlamento a trata di 2 di November 2020. Prome Minister Evelyn Wever Croes a anuncia cu hopi satisfaccion cu Aruba ta kedando cla cu Hulanda. Sinembargo na Augustus a duna parlamento un update y despues durante di e tempo tambe.
E negosacion a bay bon y Aruba a logra 4 cambio importante, un di nan ta salvancuardia e autonomia di nos pais y di dos ta stipula tur locual cu e identidad mester haci cu consulta cu e gobierno di e pais. Nos como gobierno di gabinete wever croes ta considera esakinan logronan hopi importante y ta di opinion cu e condicionnan aki ta aceptabel pa nos por haya e fiansa di interes di 0 % cu Hulanda.
Segun prome Minister esaki ta nesesario debi cu nos tin cu sigui construe nos pais , ademas mester por garantisa e pagonan di empleadonan nan salario, mester garantisa esnan cu ta haya loonsubsidie, esnan cu a perde trabao cu mester haya placa di fase y tambe mester garantisa e Alivio fiscal cu minister Xiomara Maduro Ruiz a garantisa.
Sinembargo prome minister Evelyn wever croes a duna di conoce den parlamento cu no lo accepta e condicionnan sin duna parlamento prome e oportunidad pa tuma nota di e cambionan y pa expresa su mes riba nan. Tambe prome minister Evelyn Wever Croes ta sigura parlamento den e proseso di negosacion a haci esaki hunto cu parlamento durante tur e encuentornan cu tabatatin y a tene cuenta di tur locual cu a keda treci padilanti y a tene cuenta cu e mocion cu parlamento a pasa dia 9 di juli tambe a tene cuenta cu e gremionan di loke nan a trece padilanti durante e consultanan cu tabatatin pa asina hunto yega na e producto.
Si mester para keto un rato na e mocion , e mocion tabata e base pa gobierno yega asina leu. Si mester bay bek den tempo dia 9 di juli a haya e documentonan tres dia prome y den e documentonan tabata pidi pa Aruba bai diacuerdo cu e identidad cu yama CHE y a wordo pidi pa Aruba drenta den e rijkdswet di finansiele toezicht cu ta e RFT cu ta existi awor pa curacao y st maarten.
Segun prome minister na e momento ey parlamento a pidi gobierno pa no accepta e CHE manera cu e ta , pero duna un otro propuesta y bay den negosacion cu gobierno di Hulanda. Awe por bisa cu e esencia di CHE a keda cambia riba puntonan substancial den locual gobierno di Aruba ta haya cu nan ta substancia.
Pa loke ta trata e RFT tambe gobierno di Aruba a nenga di drenta den e RFT hunto cu curacao y st maarten y a bay negosha un propio sistema di supervicion finansiero teniendo cuenta basa riba nos leynan y basa riba protocol negosha cu hulanda na 2018.
Mester bisa cu abase di e mocion aki a sigui negosha cu Hulanda pa locual awe por bisa cu e cambionan substancia aki a sali afo. Prome minister di Aruba Evelyn Wever Croes den parlamento a elabora riba e cambionan, un di e cambionan ta cu diferente puntonan di accion cu mester wordo encamina pa Aruba por re construi nos economia e ‘’landspaket’’ no ta den e rijkswet mas, pero e ta bay bin den un ‘’onderlingeregeling’’ un acuerdo mutuo y esaki gobierno di Aruba ta considera algo hopi importante, paso e ta mas flexsibel pa bo cambia. Segun prome minister un onderlingeregeling bo ta cambia mas facil cu un rijkswet. Ta bay bin un articulo nobo den e identidad aki cu ta bay stipula cu e identidad , mester hunto cu e minister president di Aruba fiha e prioridadnan di e landspaket, esaki kiermen loke cu nan ta yama e ‘’uitvoerings agenda ‘’ mester yega na existi hunto cu e prome minister di e pais , esey kiermen cu e identidad y e prome minister di e pais mester yega na otro, antes e no tabata asina , antes e tabata cu nan tin e imprecion cu nan mes por dicidi di kico nan ta haci, awor esey no ta e caso paso e ta bin den un articulo apart. Esaki ta un di puntonan cu a keda cambia.