Recientemente Kiwanis Club of Palm Beach Aruba a instala su directiva nobo pa e aña Kiwanistico 2020-2021. E directiva nobo lo consisti di e siguiente voluntarionan:• President – Sr. Richard Roy• Secretary – Sr. Onasito ‘Chito’ Thiel• Treasurer – Sr. Carlos Tapias • President Elect – Sr. Rothmar Coenraad• Vice President – Sr. Daniel Aguirre• Immediate Past President – Sr. Ivan Ng• Director – Sr. Jerome Barendregt• Director – Sr. Michael Bareño• Director – Sr. Misha Bemer• Director – Sr. Evan Giel• Director – Sr. Roy Mezas• Director – Sr. Bert van der Horst• Director – Sr. Jan Welage
Na e ocasion aki e Presidente saliente, Sr. Ivan Ng, den sudiscurso a expresa su gratitud pa e esfuerzo grandi cu e miembrecia a haci den e aña anterior. Ta aplaudi e adaptacionnan haci door di e miembro nan pa asina por sigi juda e communidad durante e crisis di COVID19.
E Presidente saliente tambe a nota cu prome cu e crisis di COVID19 e club a ehecuta un cantidad di tres evento pa recaudafondo, esta e Kiwanis Dinner Auction na November 2019,Kiwanis Carnival Masquerade Party 2020, e Kiwanis Carnival Fundraising Tent 2020. Conhunto, pa medio di e iniciativananaki a logra recauda alrededor di Afl 150.000,- cu a keda distribuientre donacionan y projectonan social pa nos communidad. Un di e projecto nan cu a sostene ta “Happy To Give Back” di CEDE Aruba cu tabata y ainda tin un impacto grandi ariba noscommunidad. Tambe a logra di finaliza e rapport “Community Analysis” traha cu ayudo di varios organisashon cu a indica cu na prome lugar, nos mester enfoca ariba educashon di e mayornan. Esaki ta e prome parti di un plan mas grandi, for di cual un programa di educashon pa mayornan ya ta den su promefase di desaroyo.
Como Presidente nobo pa e aña 2020-2021 a keda instala Sr. Richard Roy kende ta miembro desde aña 2016. E Presidentenobo den su discurso a afirma su dedicacion personal na e concepto di servicio pa nos communidad y sigur awor cu communidad ta enfrenta un temporada dificil causa pa COVID19. E Presidente a expresa cu e tin e confiansa cu e miembronan lo sigi haci nan maximo esfuerzo pa sirbi e communidad den un forma adapt ana e normal nobo comoconsequencia di COVID19. Tambe, como Presidente di Kiwanis Club of Palm Beach e lo sigui cu e ehecucion di e plan strategico vigente, unda lo enfoca ariba projectonan basa ariba e resultado di nescediadanan cu a resulta for di e “Community Analysis” anteriormente menciona.
E instalacion a tuma lugar na Hyatt Regency Resort su ballroom den un ceno adapta na e protocolnan di distancia social di COVID19. Presente e aña aki tabata solamente e miembronan di e directive saliente y esun nobo. Ademas di mantene distanciasocial tabata tur miembro presente a haci uso di nan tapa-boca. E discursonan a keda graba den un video pa e demas miembreciadi e Club y organisacionan di servicio Hubenil cu ta liga a dje.
Kiwanis Internacional ta un organizacion caritativo mundial, dedica na haci nos mundo mihor door di cambia un comunidadof un mucha cada bez. Mas informacion por hayariba: www.facebook.com/kiwanispalm beacharuba
