Den Rijkswet Entiteit a inclui un artikel nobo cu ta salvaguardia nos autonomia
Parlamentario Endy Croes a splika cu poko poko nos ta jegando mas serca cu un acuerdo cu Hulanda pa juda nos na un manera sincero pa sali for di e crisis aki. Desde 10 di Juli no obstante cu CAFT a duna conseho positivo na Conseho di Minister di Reino pa otorga Aruba e suma di prestamo aproba door di CAFT esaki no a tuma lugar. Tur esaki comokiera cu ultimo ora Knops a presenta un extra condicion den forma di un entiteit aloca den un Rijkswet cual lo a kita autonomia di Aruba practikamente den su totalidad. Riba esaki a continua cu negosacionnan fuerte y finalmente poko poko pero sigur nos ta mira e luz na horizonte.
/// A incorpora na artikel 4 un extra lid esta Lid 2 pa savalguardia nos autonomia:
Den henter e negosacion y precion enorme cu Hulanda a expone Promer Minister Evelyn Wever Croes hunto cu Minister Xiomara Maduro y henter e team negoshador a logra cambia pensamento di Hulanda den varios aspecto. No por laga afor e peticion constantemente di Parlamento primordialmente Fraccion di MEP kendenan tabata fuerte contra e manera cu Hulanda tabata tratando Aruba. Asina den e rijkswet aki a logra incorpora na Artikel 4 un lid nobo esta Lid # 2 unda ta stipula awor: “ Bij de uitoefenen van taken, bedoeld in het eerste lid, kan het COHO ( antes nomber di entiteit tabata CHE), geen bevoegdheden uitoefenen die op grond van het landsrecht van Aruba aan een overheidsorgaan toekomen”. Pues e artikel nobo aki ta lokual nos a bringa pe y sigur nos ta mucho mas satisfecho cu Promer Minister Evelyn Wever Croes a logra pa Hulanda incorpora esaki den e Rijkswet. Esaki ta parti di e lucha husto cu nos tabata bringando pe.
/// Alaves a logra saca Landspakketten for di Rijkswet:
Alaves a logra saca e landspakketten for di e Rijkswet y awor manera tabata e plegaria di Fraccion di MEP pa usa artikel 38 lid 1 di statuut cual ta splika “ Nederland, Nederlandse Antillen en Aruba kunnen onderling regelingen treffen”. Pues e artikel aki semper a wordo usa desde Status Aparte pa tur protocolnan cu a wordo usa. Lid 2 di artikel 38 ta splika cu ancra esaki den Rijkswet. Awor a logra combense Hulanda cu ta saca esaki bek for di Lid 2 y ta ancra e landapakketten nan den artikel 38 lid un manera ta e deseo di Aruba.
/// Entiteit automaticamente lo termina despues di 6 aña:
Na inicio lokual Hulanda a presenta e Ley tabata tin ingridientenan cu nunka mas Aruba lo sali di e Entiteit aki. Awor a logra cambia esaki y a hasie hopi mas kla unda cu e pais cu kier extende esaki na final di 6 aña e mes por pidi pa extende esaki si e ta desea. Banda di esaki a introduci un evaluatiebepaling esta un momento pa evalua e Entiteit despues di 3 aña y akinan tambe lo trese espacio pa mehoracion si ta nesesario of cambionan desea door di paisnan. Tambe a logra cambia e forma cu e entiteit no lo wordo aloka mas bou di Nederlandse Kaderwet ZBO. Esaki tambe ta un adelanto gigantesco. Pues asina a logra poko poko pero sigur na yega na algo hopi mas husto y sostenibel pa comunidad savalguardiando hustamente nos autonomia y trahando den forma di cooperacion cu Hulanda na beneficio di nos futuro generacion. Nunka nos a nenga ayudo pero semper a critica e forma pero poko poko awor nos ta hopi mas serca di otro. Noticianan positivo lo ta drentando november!