Hopi stranjo cu por zona cu a dura 7 luna pa politiconan por a comprende cu Hulanda no ta interesa y nunca tabata interesa den e autonomia di nos pais. Aki no por papia di politicoan cu ta den Gobierno o cu ta sostene Gobierno, pero tur, hasta miembronan di forzanan bibo. Awor cu no por saca mas placa for di APFA, a dicidti pa sinta y negosha cu Hulanda, pa cambia algun frasenan, pero cu e contenido mescos.
Hulanda tumando na consideracion con nos propio politiconan ta acusa otro di ladron, di ta corupto y di casonan fraudulento, jamas Hulanda por confia cu mas di 500 miyon lo bin den man di e politiconan aki, kendenan despues di Status Aparte a enriquese nan mes cu placa di pueblo, lagando nos pais den un situacion di un pobresa total, mientras cu nan si ta gozando di pensionnan miyonario y overbruggingstoelage miyonario. Pueblo ta politiconan elite miyonario nos tin den nos pais, mientras cu pueblo ta pasando den un situacion di hamber, sin cuminda, awa y coriente. Danki na Hulanda cu sikiera e famianan pober tin un cuminda cayente pa come pa dia.
Pueblo boso no ta puntra boso mes na unda e prosperidad cu politiconan elite miyonario ta bisa cu e Status Aparte a trece cune, a bai? Ariba papel nos lo ta e pais mas rico den henter Latino America, cu un entrada per capita hopi halto, pero tur e placa cu a ser genera a bai den saco di politiconan, nan amigo y famia. E pueblo lastado di garoshi a keda den un un pobreza total, No cu e pandemia aki, pero prome cu esaki a azota nos pueblo. Tur peso di belasting a cai ariba pueblo, humilde o cu placa, tur mester paga un BBO acumulativo cu ta yega na 36 % ariba un producto. Aruba ta caro y mucho mas caro cu cualkier pais cu tin hopi placa, manera esnan Europeo.
Awor cu e pandemia aki Aruba su debe lo bai surpasa 8 biyon, cu pueblo mester bai carga y paga, cu otro medida, mas impuesto. Unda nos lo bai yega cu e debenan aki, sin ayudo di Hulanda? Ta bisa cu nos pueblo ta un pueblo balente cu corahe, trahado, pero no ta pa e motibo ey Gobierno mester sigui yena nos pais cu mas debe, debe ariba debe.
Ariba dje mas director o jefe di departamento y servicio ta ser manda cas cu un “goldenhanshake”, atrobe miyonario. Ta facil pa core cu e director y jefenan, debi cu Ministronan no mester paga tog, ta cu pueblo su placa nan ta yega na areglonan o manda nan cas, mientras nan sigui gana nan placa. E gobierno aki a kibra tur rekord di manda director y jefenan cas y na nan lugar nombra nan hendenan, pagando dobbel salario.
Nos Movimiento ta respeta tur director, tur jefe y duna nan tur oportunidad pa nan haci nan trabow independiente, sin miedo pa REPRESAYA. Ta duele cu Arubianonan ta bai studia pa anjanan, pa despues cu nan ta bon prepara, pa motibo cu Gobierno ta pensa cu nan no ta di nan color politico ta ser manda cas, bai frustra, ganando nan salario. Nos ta respeta tur sin wak nan color politico. Nos ta kere den y traha a base di capacidad y profesionalismo di un ser humano. Atrobe nos lo traha cu tur profesional sin wak nan color politico.
Nos lo percura cu e nivel den parlamento lo ser hisa, na unda nos hobennan, nos pueblo por saca afor e mihor ensenjansa. Den e ultimo tempo, den e epidemia cu a azota nos pueblo cruelmente, Parlamentarionan a usa 3 luna pa saca tur clase di argumento pa manda un Ministro cas. Un dia un ta vota contra, mayan e ta na fabor etc. Gritamentonan desespera y di angustia mester caba den cas di pueblo, e nivel mester ta uno na unda cada un di nan tin e derecho di expresa nan mes y tambe di ser respeta. TA UN FIECEDAD Y UN POLITICA BOW NIVEL TA TUMANDO LUGAR DEN CAS DI PUEBLO, DOOR DI POLITICONAN CU MESTER POR SA MIHOR Y CU TIN E CAPACIDAD PA A CAMBIA ESAKI. SEMPER NOS TA BISA CU NO TA E TITULO CU BO TIN DILANTI DI BO NOMBER TA HACI BO GRANDI, PERO TA E FORMA CON BO MES A CRECE COMO SER HUMANO Y ESEY FALTA HOPI DI NOS POLITICONAN. BO COMPORTACION TA ESUN CU TA HACI BO GRANDI Y DI E FORMA AKI BO TA HAYA E RESPET DI PUEBLO. NORMA, RESPET Y BALOR MESTER BOLBE BEK Y MESTER CUMINSA CU TUR POLITICONAN.
Nos ta respeta privacidad di un ser humano/politico, sea pa su raza, status, credo, orientacion sexual etc. Tur ser humano mester di ser respeta. Nos si lo trece cambionan na unda nos propio hendenan, profesionalnan hoben tin tur derecho di yuda den progreso den nos pais. Nos no por keda pega den tempo usando e mes un hendenan cu a fracasa, pero simplemente, debi cu nan ta asocia na un partido politico, ta haya tur clase di prioridad ariba hobennan bon studia y cu por trece inovacion den forma di goberna. E progreso ta den man di nos hobennan cu mester carga e futuro economico y bienestar general di nos pais.
NOS MOVIMIENTO LO PERCURA PA TIN UN SOLO ARUBA CU TA DI UN Y PA UN Y TUR. Den un solo union nos lo garantiza nos futuro generacionnan un cambio total y un progreso husto.
MOVIMIENTO FUTURO PA UN ARUBA NOBO