Minister Chris Romero a reuini cu tiradornan di pisca y nan a haci entrega di un plan serca di e mandatario. Cada un di e tiradornan di pisca a duna di conoce cu no ta un crimen loke nan ta haci. Segun minister Chris Romero mester kita e consepto di e pensamento cu un persona cu ta practica spearfisging ta bay pa distrui naturalesa. Tambe ta kere cu mester kita e persepcion cu un persona cu speargun ta bay pa caba lama, esey ta imposibel. Tambe e mandatario ta duna di conoce cu mester kita e pensamento cu un persona cu ta bay cu tanki y ta haci spearfishing lo ta kibra nos coralnan, esakinan ta insinuacionnan cu ta keda treci padilanti cu no ta cuadra cu berdad, segun mnister Chris Romero. Loke ta un realidad cu despues di 40 meter luz no ta penetra nos awanan y eynan ya caba no tin coral. Sinembargo cada un di e tiradornan di pisca cu ta keda registra mester respeta nos leynan y cumpli cu nan y e especinan cu mester keda proteha lo keda haci esaki tambe. Esnan conserni mester ta mas consiente y si nan opta pa distrui e coralnan lo nan distrui nan mes y nan pais, esey mester ta bon cla den nan pensamento.
