Parlamentario Endy Croes ta inicia e siman aki recordando PG nobo di Aruba Bote ter Steege riba diferente kehonan entrega y trabounan pendiente na Ministerio Publico di Aruba y lo desea di mira movicion y kisas haña un update. Pakiko e pregunta aki? Pueblo su tolerancia a bira menos y unda cu un Parlamentario move den pueblo e reacion ta devastador contra Ministerio Publico y ta pone Ministerio Publico mustra hopi malo. Desde cu Alexander van Dam a bay ta mustra cu cosnan a tranca of kisas otro forsanan lo a para cierto investigacionnan. Aunke como Parlamentario Bo ta purba combense pueblo cu OM mester tempo pero berdad si ta cu casonan ta tumando demaciado tempo. Paul Croes x minister di AVP a wordo sera desde augustus 2017 y sentencia 22 Februari 2019 y te awe Hoge Beroep no por a bin dilanti? Na februari 2018 a entrega kehonan severo contra otro x minister di AVP amigo di Mike Eman esta Benny Sevinger y 1 di october 2019 a hasi un huis onderzoek y te awe e caso a manera bay den doofpot. Esaki ta e sentimento di pueblo.
/// Mike Eman caso Wasmachine :
Despues di hopi buska den aña 2020 a logra pone man riba algun prueba palpable y hopi fuerte. Ta trata di pruebanan di banco di transacionnan unda por ehempel Roberto Rincon kende a wordo husga pa sobordo di mas di 1000 miyon dollar na merca a traspasa “wire transfer” sumanan di 50 mil dollar esta 90 mil florin riba cuenta di Mike Eman pa cu elecion 2013. Nos tur por corda cierre di campaña di AVP cu un lighting parade gigantesco cu 13 banda y tur cos pornada. Roberto Rincon algun luna despues ta “handdeliver” un peticion pa 5000M2 di tereno na Barcadera y den 5 dia Benny a bay akkoord cu esaki. Pues asina Mike Eman tambe a coopera y ta na altura di tur e bagamunderianan cu a pasa den su gobernacion.
/// Banco encuestion a meld e transferencia aki tijdig?
Parlamentario Endy Croes mes a cuminsa actua como cu Ministerio Publico ta tardando demaciando. A manda schriftelijke vragen pa diferente Ministers encuestion. Kier sa si e Banco a meld tijdig na MOT ( Meldpunt Ongebruikelijke Transacties) September 2013 momento e transferencianan aki a tuma lugar y si MOT na su turno a meld esaki tijdig na Ministerio Publico. Tambe kier sa si Ministerio Publico a meld esaki momento Mike Eman a pasa e screening na 2013. Si esaki a cana corecto nunka Mike Eman por a bira Minister Presidente pa di dos biaha y por a scapa Aruba di e Mega Debe y e desaster financiero unda awe nos nos no lo mester ta den discusion cu Hulanda. Tin keho oficial entrega contra Mike Eman Lider di AVP y lo aprecia PG nobo Bote ter Steege brinda pueblo un update di e caso aki tambe. Tin prueba cu Mike Eman a hasi su mes culpabel di laba plaka preto pa atrevez di su cuenta pa core campaña y cumpra votos. Parlamentario Endy Croes ta splika cu Parlamentarionan Hulandes entre otro Bosman ta esun cu constantemente ta grita riba corupcion. Pues aparato di Ministerio Publico na Aruba ta carga cu Hulandes y awor tin un PG nobo na cabez y pues mester pidi nan pa hasi nan trabou enbes di sinta culpa politiconan.Segun comunicado di parlamentario Endy Croes.