Ester Sint Jago a selebrá ku e a kumpli kuarenta aña trahando komo ámtenar. Durante un seremonia festivo na trabou, koleganan a selebrá e echo aki ku Hilly, manera su nòmber di kariño ta. A elogi’é pa su dedikashon durante añanan.
Hilly Sint Jago a drenta den servisio di gobièrnu komo kontratante den añanan ochenta di dékada pasa. Despues di dos aña e a drenta servisio fiho na e departamento di Finansa. Einan Hilly a traha ku diferente hefenan di e servisio. Tur tabatin elogio pa Hilly su funshonamentu. Hilly Sint Jago a traha fielmente na e mesun doño di trabou i na e mesun departamento durante 40 aña.
Entidat Públiko Boneiru i spesialmente tur koleganan ta manda un pabien pa Hilly Sint Jago. Gradisiendo e pa tur e añanan di servisio desplegá. Ta sigui konta kuné den e añanan ku a sobra promé ku e bai disfrutá di su penshun
