ORANJESTAD,Aruba
Sindicato hunto cu docentenan di paso pa futuro a protesta awe merdia na gobierno di Aruba. E grupo cu e presenta a hiba un carta di e malcontento cu nan ta y nan ta keda riba nan posicion cu no kier Sali di e edificio. Sinembargo Minister di enseñansa a duna un conferencia di prensa awe mainta splicando e motibo dicon ta tuma e desicionnan aki. Sinembargo docentenan cu ya caba tin algun tempo y ta custuma cu e scol, no ta desea di Sali for di e edificio. Den bida hopi cos ta cambia y tin ora hende ta keda ankra na obheto y cosnan cu na prome instante no ta mira y of no sa kico cambio por trece. Nos yun no sa kico ta e cambio cu e cambio di e deseo di e mandatario kier hiba cu e scol, sinembargo e decision cu a keda tuma e docentenan ta pleita alma y cuerpo pa mustra cu nan no ta kere cu ta un bon decision cu e mandatario a tuma. Mientras cu tin un protesta e otro scol ya caba ta drenta den e edificio y pa December paso pa futuro lo mester muda si tur decision keda mes un cos. Segun e sindicato SIMAR e mandatario no ta compronde kico ta e diferencia di scol regular y enseñansa special.
