ORANJESTAD,Aruba
E situacion actual na Aruba ainda no ta loke e mester ta y nos ta trahando hopi duro tumando accionan concreto pa esaki por cambia hopi liher. Esaki ta bira e di 7 siman desde cu nos a a haya e promer contagionan dia 4 augustus. E situacion ta keda uno preocupante y diaranson ultimo a registra un cantidad record di 176 positivo cu sigur tawata un sorpresa desagradabel. Keto bai e cifranan ta halto y cantidad di casonan positivo ta halto.Nos a pone pa nos mes y pa nos pais Aruba cu nos ta bai baha e contagio y casonan positivo y mi ta convenci nos ta bai logra esaki tambe!
Covid a causa hopi destruccion pa Aruba den tur sentido. Hopi persona a haya covid, varios persona a fayece a causa di covid y hopi hende a perde nan trabou a causa di covid
Nos tin e obligacion pa frena esaki awor y busca e manera pa deal cune pa futuro cual no ta nada facil. Nos no por spera cu nos lo yega 0 caso positivo por lo pronto teniendo economia y frontera habri.
Na hospital e cantidad di persona interna den afdeling a baha na 26
Y den icu na 11. E cantidad ta fluctua diariamente cu hendenan recuperando y hendenan ta wordo interna. E cifranan aki lo keda fluctua den e simanan venidero.
Nos a cuminsa prepara e opschaling pa hospital y pa haci esaki mester mas personal. Nos a pidi y a haya toezegging di hulanda caba pa nos por amplia nos capacidad di personal conforme e opschalingsplan di hospital pa ta mihor prepara. Nos a anuncia siman pasa gobierno hulandes lo yuda nos amplia nos capacidad di personal pa nos ta mihor prepara si en caso nos mester schaal op pa 33 ICU. Pa cu esaki ja caba nos a haci e peticion pa amplia e cantidad na 40 engermero y 10 intensivista.
Nos mester menciona cu un gran cantidad di persona a recupera nan salud completo. Awe pa promer bez tin mas persona a recupera cu tawatin caso positivo. Awe un total di 66 persona a recupera mientras 54 a test positivo.
Total a recupera 1742 hende
Caso activo 1617
Actualmente tin mas hende a recupera nan salud cu tin casonan activo
Nos a bisa cu nos ta bai baha e contagio y nos a tuma varios accion concreto con nos lo bai haci esaki. Nos a reenforza departamento di salud publico pa por por maneha y domina e plamamento mihor. Nos a haya 1 arts infectieziekte y 1 sociaal verpleegkundige di Hulanda pa ondersteun nos.
Nos a amplia e team di bron- en contacten onderzoek cu ta activo caba pa yama tur esnan cu resulta positivo pa haci e contact tracing mas mihor posibel.
Nos a amplia e team cu mester haci control riba esnan den isolacion y quarantaine. E team aki ta consisti di mas di 80 ambtenaar cu lo haci e bishita y control fysico riba esnan den isolacion y quaraintaine. E control aki lo ta hopi estricto y esnan cu ta viola esaki lo wordo multa cuminsando na mas cu 1000 florin pa luna.
Negoshinan cu ta viola reglanan di hygiena y distanciamento social ta wordo reparti dem 2 categoria
negoshi chikito; lo wordo multa 1500
Negoshi grandi lo wordo multa 3000
Violacion samenscholingsverbod; 1000 florin
Nos a pidi cooperacion di tur hende, nos a informa, nos a consientiza, nos a educa
Y awor en adelante esnan cu no ta sigui protocol y no ta comporta nan mes lo haya multa. E controlnan lo ta hopi mas estricto y nos ta pidi pa tur hende mantene nan mes nan e protocolnan. Nos mester y ta pidi cooperacion di communidad pa surpasa e dianan dificil aki. Ta hunto so nos por logra.
Nos a bisa cu nos lo baha e contagio y nos ta bai hacie tambe!
