ORANJESTAD,Aruba
Segun resumen di situacion di COVID 19 na Aruba awe 16 september 2020 por tuma nota cu 66 persona mas a recupera, tin 176 caso nobo di Covid-19 cu a wordo registra di cual 1 ta no-residente, total di activonan awo ta 1630, total di testnan haci ayera ta 599, di cual 535 test a wordo haci na laboratorio di hospital bou residentenan y e total di caso di fayecimento relata na Covid-19 ta na 22.
Hospital ta informa cu tin un total di 40 persona interna di cual 11 ta den cuido intensivo y 29 ta isola riba piso general.
For di augustus cu e brote a inicia na Aruba por tuma nota cu e porsentahe di positivonan relata na e cantidad di test haci pa dia ta keda varia entre mas entre 25% cu 40%. Mas test wordo haci riba un dia, mas resultado positivo ta keda registra.
