ORANJESTAD,Aruba
Diahuebs ultimo Minister Xiomara Maduro tabata presente na Celebracion di Dia di Brazil. E aña aki pa motibo di Covid-19, e celebracion tabata diferente manera ta custumbra y mester a tuma e precuacion necesario. Aña 2020 ta recorda cu ta exactamente 10 aña cu Caya Bernadina Growell a wordo inaugura, como tambe ta di 10 bes cu tin e parada cultural di Brazil y 45 aña di existencia di Centro di Bario Brazil.
Minister di Cultura a felicita Centro di Bario Brazil, Comision Bernadina Growell y Fundacion Chico Harms cu Dia di Brazil. Pabien y danki na e gruponan di baile, musico, reinanan cultural y tur esnan cu participa den e Parada Cultural y e Tableau Vivant y asina duna honor na Dia di Brazil. Danki pa biba nos cultura.
