KRALENDIJK, Bonaire
Gobièrnu di Boneiru ta selebrá Dia di Boneiru e aña aki na un manera diferente. Teniendo kuenta ku e reglanan di Covid-19 lo transmití e parti protokolar i kultural via pagina i kanal di gobièrnu riba retnan sosial i kanal di televishon Dutch Caribbean TV. E transmishon ta kuminsá 8.30 di mainta. Lo no ta bai tin públiko presente durante e selebrashon. Tantu e parti protokolar komo kultural ta grabá teniendo kuenta ku tur e reglanan vigente pa motibu di covid-19.
Mesora tras di e parti protokolar lo sigui e grabashon di e parti kultural virtual. Por wak esaki via e página di YouTube “Openbaar Lichaam Bonaire”. Tambe ta share e link pa por mira esaki via e páginanan di Facebook ‘Gobièrnu di Boneiru’ i ‘Openbaar Lichaam Bonaire’. Alabes por mira esaki via di e kanal di televishon Dutch Carribbean TV.
Gobièrnu di Boneiru ta pidi pa tur hende hisa nan bandera, dòrna nan kas ò negoshi asina duna un realse na e dia siguiendo e programashon virtual.
E aña aki apesar di e sirkunstansianan, a prepará un bunita selebrashon.
Gobièrnu di Boneiru ta deseá tur hende un felis dia di Boneiru.
