ORANJESTAD, Aruba
ORANJESTAD, Aruba
Vocero di Polis Lito Lacle a duna di conose awe cu ta berdad cu servicio di impuesto for di 1 di September 2020 a duna cuerpo policial
e authoricacion pa por cuminsa controla plachi di number pa locual ta motorijtuigen riba caminda. Esaki cuerpo policial a cuminsa hasi tambe pero enconhuntamente cu tambe controla si e belasting tambe ta paga y ta altanto. Vocero di polis tambe a trese dilanti cu imprincipio ley ta bisa cu for di 15 di februari ya caba bo lo mester tin bo plachi number nobo altanto cu e ana, pero nos por por a tuma nota tambe cu esaki no a logra bay asina debi na e situacion cu nos ta aden na e momento aki. Vocero di polis a afirma tambe cu tur auto cu plachi number 2019 por wordo para y duna un multa pa cu esaki. Segun vocero di polis cada patrouille cu ta riba caminda tin e athoridad pa tuma accion si mira un vehiculo cu no tin e plachi number correcto na nan vehiculo. Entrante 1 di juli tambe e unidad di motor a wordo amplia cu 6 collega policial aserca esaki tambe a pone cu e unidad di motor ta mas amplia awor y cu ta controlando mas severo riba caminda tur caminda pa velosidadnan halto. Pa locual ta e contagio di varios miembro di cuerpo policial vocero di polis a bisa cu esaki na un forma di protocol ta wordo procesa debidamente y na momento cu un collega wordo getest positivo of tin symtoma e ta wordo isola dibiaha pa preveni mas contagio. Polis su trabou ta keda un riesgo y ta pone cu nos ta frontliners den servicio di pueblo y esaki ta bin cu su riesgonan pero asta pa esaki tin porotocolnan cu cada polis mester tuma.
