KRALENDIJK, Bonaire
A detektá un kaso nobo di Covid-19 na Boneiru. Aworakí ta trata di un persona lokal. E persona infektá ta den isolashon i ta monitòr su salú. Ta hasi un investigashon ku ken e persona aki tabatin kontakto pa determiná si e a infektá otronan.
Ta ora a tèst e hendenan ku tabatin keho ku hala rosea, a topa un persona ku tabata infektá. E persona kasi a rekuperá kaba. E ta keda den isolashon te ora e pasa mas ku 24 ora despues ku e a rekuperá. Esnan ku ta biba kuné den kas ta keda den karentena i ta tèst nan.
Te aworakí no ta konosí unda e persona aki a keda infektá. Tampoko a konstatá ku e tabatin kontakto ku hende for di Kòrsou, Aruba òf Hulanda. Esaki ta nifiká ku e fuente no ta konosí. E departamento di Salubridat Públiko ta investigando esaki. Ta buskando pa sa ku ken e persona malu tabatin kontakto di aserka. Pa asina yama kontrolá nan. Ta pidi e personanan aki ku tabatin kontakto ku e pashènt pa bai 14 dia den karentena. Esaki no ta na nodi pa esnan ku tabatin kontakto kòrtiku òf di distansia ku esun ku Covid-19. Ta pidi tur hende ku síntoma pa keda kas i hasi un tèst.
Departamento di Salubridat Públiko ta monitòr tur hende ku tabatin kontakto di aserka ku e persona ku Covid-19. Ta konsehá nan pa keda kas, no bai trabou i no risibí bishita. Si tin síntoma tin ku tuma kontakto ku departamento di Salubridat Públiko riba number 0800-0800 pa hasi un tèst.
Drive Thru
Tur persona ku por tin òf haña keho por hasi un tèst. Pa traha un sita yama 0800-0800. Riba djaluna 31 di ougùstùs departamento di Salubridat Públiko ta organisá atrobe un Drive-Thru di 4’or di mèrdia te 6ór di atardi. Esaki ta pa hendenan ku síntoma leve. Yama 0800-0800 pa traha un sita. Si niun hende kontesta e telefòn ta paso nan ta okupá. Purba despues. Por yama tur dia entre 8’or di mainta i 10 ‘or di anochi.
Prevení kontaminashon
Pa prevení ku bo ta keda infektá ku e vírùs di corona mantené 1.5 meter di distansia, evitá sitionan ku hopi hende i espesial laba man regular.
