ORANJESTAD, Aruba
Parlamentario Endy Croes ta amplia riba e (2) Rijkswetten cu tin riba mesa awor. Manera ta conosi cu Aruba a cumpli desde April y Mei cu tur condisionnan cu Hulanda a pone riba mesa pa Aruba pa asina por ricibi prestamonan di Hulanda. Lamentablemente Hulanda tras di tur esaki tabata tin un plan pa masacra autonomia di islanan.
/// Hulanda ultimo ora malusando e Pandemia a saca su Joker:
Parlamentario Endy Croes ta sigui splika cu Aruba a entrega salaris, a corta den AZV y a percura pa salarionan di Directornan di companianan estatal dentro di poko lo mester cumpli cu e Croes Wever Norm cual ta 130% maximo di salaris di promer Minister y a sina a piue de la letra ta cumpliendo cu condicionnan di Hulanda. Lokual nunka a mira ta bin cu Knops y Hulanda tabata tin un grupo di professor trahando riba algo cu practikamente Hulanda lo take over e islanan. Asina ultimo ora Hulanda a manda extra condicion cual ta consisti di (2) Rijkswet esta un Financieel Toezicht y e otro ta pa un Entiteit conosi como e CHE. Dia 6 di Juli Hulanda a manda e paketenan aki y a exigi gobierno di Aruba pa firma esaki promer cu 10 di Juli e fecha cu tabata tin Rijksministerraad anto mas tristo sin comparti e informacion cu Parlamento di Aruba. Tristo pa mira e condicionnan extra aki cu Hulanda kier implementa a cambio di presta un isla den nesecidad cual plaka nos lo paga bek. Pues no ta un regaldo sino un prestamo.
/// CAFT 24 di Juni a duna positieve advies pa paga e di tres tranche:
Desde April Hulanda pa promer biaha den historia a presta Aruba 42.8 miyon como liquiditeitssteun. Den luna di mei Hulanda a aproba 113.3 miyon di prestamo cual a wordo reparti den 2 pago. E promer parti ta Afl. 63.9 miyon florin ta pa juda cubri nesecidad di liquides di gobierno incluyendo FASE y e di dos parti ta un suma di Afl. 49.4 miyon florin cu ta un suma pa cubri e Loonsubsidie ( Loonbehoud) pa e siguiente 6 simannan esta di 15 di Mei pa 3 di Juli. Esaki ta di 3 zachte lening cu Aruba a logra ricibi for di Hulanda na 0% di interes cu sea Aruba lo mester paga bek aki 2 aña of por refinancia esakinan aki 2 aña. Ta un prestamo conosi tambe bou di e terminologia “bullet lening” y pues no mester page mesora. Pa e di tres tranche Aruba a solicita pa 204 miyon cual lo cubri lunanan di Juli-Aug-Sept. den advies di CAFT di 24 di Juni 2020 CAFT a adviseer Rijksministerraad pa dal bay y brinda Aruba e ajudo di derde tranche esta 204 miyon conform e tabel 2 den nan advies. Lamentablemente apesar di esaki Hulanda tabata tin su carta “joker” pa bin cu extra condicionan cu practikamente ta intragabel.
/// Professor, Prof.mr.H.G. Hoogers a skirbi un conseho devastador:
Riba peticion di Fraccion di MEP Professor H.G.Hoogers kende tin amplio experencia riba e materia aki y a jega di skirbi varios conseho pa Ministernan di Hulanda como Tweede Kamer a analisa e (2) Rijkswetnan cu Hulanda ta proponiendo forsando e islanan pa firma.
Basicamente Pro.Hoogers ta splika cu pa Bo jega na un Consensus Rijkswet Bo mester a negosha esaki promer y jega na algo hunto promer cu bay over na firma. Den e caso aki Hulanda na un manera “eenzijdig” ta obligando Aruba pa firma. Professor Hoogers a accentua manera cu esaki ta riba mesa awor “ is er sprake van een vergaande overdracht van bevoegdheden door Aruba aan Nederland en krijgt de CHE een vergaande bemoeienis met grote delen van de interne politiek in Aruba “. Pues cu berdaderamente e Rijkswetnan aki ta bay demaciado leew y CHE por ehempel lo raporta solamente na Gobiierno Hulandes, Minister di BZK y Tweede Kamer. All by All conseho di Professor Hoogers ta devastador contra e actitud di Hulanda pa cu e dos leynan aki. Parlamento di Aruba mientrastanto a presenta un otro “bachi” cu lo beneficia ambos partido y mantene e trankilidad. Enbes di (2) Rijkswet purba combense Hulanda di (2) Protocol mara na (2) Landsverordering cu un gekwaliceerde meerderheid como un extra garantia pa Hulanda. Ban mira si Hulanda tin boluntad pa pone esakinan riba mesa pa descuti e posibilidad aki cu lo duna mesun resultado y trese trankilidad.
