ORANJESTAD,Aruba
Ayeranochi, e systema di radar di Kustwacht a detacta movecion sospechoso direccion pa Aruba. E boto tawata uno sospecioso cu a bin for di Venezuela direccion pa e isla. Esey tawata motibo suficiente pa e Rescue and Coordination Center di Kustwacht pa tuma accion. Un Metal Shark hunto cu miembronan di Kustwacht y Militarnan di Aruba a bay dirrecion pa e boto sospechoso. Na momento cu a intercepta y yega na e boto sospechoso a haya un boto den mas condicion cu 14 persona indocumenta abordo. E grupo indocumenta tambe tawata tin bestianan di especie indigno cu nan. 1 guy di pelea, 19 parha y un pakete cu un subistancia di un tipo di steroid. Tur venezolano indocumenta cu a purba di drenta Aruba a wordo traspasa pa Warda Nos Costa y Cuerpo Policial. Servicionan veterinario a tuma e bestianan indigno aden.
E uso di botonan den mal condicion ta mustra un biaha mas a e tipo di riesgo cu e personanan aki ta tuma pa por yega na e islanan ABC. Kustwacht ta avisa hende pa no tuma e tipo di tripnan aki. Ta un echo cu e topi di botonan cu ta wordo usa pa tranporta hende no ta den estado pa subi lama y no tin persona experiencia abordo pa maneha den awanan bruto y tuma e riesgonan aki.
Kustwacht ta sigui cu nan patrouilla intensivo pa guardia y vigila e maritimonan di Aruba, Curaçao y Bonaire. Pa patrouille Kustwacht lo ricibi assistencia for di Defensa den forma di e barco station Zr. Ms. Groningen. Kustwacht tambe ta pidi ayudo di tur ciudadano cu ta detecta cualkier movecion sospechoso riba lama of na costa. Si acaso ta detecta algo por yama 913. Cu bo ayudo nos por mantene e seguridad di e lama y costa di e islanan.
