ORANJESTAD, Aruba
Den cuadro cu e evento di mas grandi di trabaonan boluntario riba e isla, Hilton Aruba Caribbean Resort & Casino a uni pa sostene un organisacion social, Bubali Sport Park, un facilidad cu ta wordo uza pa hobennan local pa practica futbol, baseball, y softball, manera tambe pa eventonan social desde aña 1943.
Localisa na Noord, no mucho leu for di e resort, e facilidad tabata tin mester di un remodelacion cual a inclui verf y mantencion, miembronan di e team di Hilton tabata mas cu contento pa contribui.
E departamento di Recursonan Humano a pidi miembronan di e Team riba e necesidadnan di hende cu por verf, unda a logra haya mas cu 20 boluntario kende a topa riba e orario design ana e sports park, ekipa cu verf y tur material necesario hunto cu e conocemento na unda finalmente a logra caba un tremendo trabao na final di e mainta, cu participacion completo di General Manager Vasco v Baselli, y Director di Recursonan Humano Glenn Farro, cu guiansa di e Engineering Team.
E di ocho edicion di Aruba Doet, ta parti di un organisacion Hulandes mas grandi cu NL Doet, ARUBA DOET, BON DOET, CURA DOET, STATIA DOET y SMX DOET, cual ta tuma luga durante e mesun temporada anualmente den luna di Maart na Hulanda y tur islanan Hulandes. Esaki a wordo posponi den 2020 por medio di e pandemia, y finalmente por a start den Juli. E fondo Hulandes ta haci inversionnan grandi den causanan social riba e islanan, fortificando e conexion entre e islanan y Reino Hulandes.
E movimiento di boluntario ta primiti e boluntarionan cu bon curason, pa pasa bon, sea cu nan ta yuda verf, reparacion di pationan of haciendo algo leuk cu nos grandinan pa henter un dia.
Den e imagen por mira boluntarionan di Hilton Aruba Caribbean Resort den accion na Bubali Sport Park.
