ORANJESTAD, Aruba
No ta desconosi cu e mundo di comercio manera nos a conose ta cambiando dia pa dia. For di momento cu mundo a cambia y a cuminsa hasi compra online den forma di e-commerce Post Aruba tambe a cuminsa brinda e servicio aki. E servicio aki tabata duna dor di un otro empresa. Esaki tabata duna communidad henter un posibilidad pa hasi compras online y order esaki pa esaki por wordo hiba pa Aruba via Post Aruba y e empresa aki. Esaki tabata conosi como E-Post Aruba. Despues di varios tempo a purba mehora e servicio y a cuminsa traha cu un compania yama SkyPost y conosi comercialmente como PuntoMio. Despues di varios aña di a traha cu e compania aki un biaha mas pa keda mehora e servicio a dicidi di cambia e service provider aki na Merka. E servicio aki tabata entre otro cu e cliente di E Post Aruba tabata ricibi un number y tambe un adres na Merka cu tabata pertenese na e service provider na Merka. Na momento cu E Post Aruba na comienso di e aña aki a dicidi di cambia e servicio provider e compania actual cu ta Punto Mio (SkyPost) a reaciona sumamente negativo pa cu esaki. E empresa a bay asina lew cu ela dicidi cu e ta bay caba cu E Post Aruba y cu e lo bay brinda e servicio aki na e clientenan di E Post Aruba. Esaki ela hasi dor di manda un email na tur e clientenan di E Post Aruba bisando cu ta Punto Mio (SkyPost) ta esun cu a termina e contract cu E Post Aruba y cu nan por brinda e servcio hopi mas miho sin Tax Fees pa tur esnan cu kier hasi compras online. E compania Punto Mio (SkyPost) a asta traha un email nobo cu yama epostaruba@puntomio.com y uzando e logo di Post Aruba. tur esaki a pone cu Post Aruba a lanta un caso na merka pa cu esaki contra e compania Punto Mio (SkyPost). Na final prome cu e caso a bay dilanti e compania Punto Mio (SkyPost) a dicidi di rectifica tur cos cu nan a hasi contra E Post Aruba (Post Aruba).
