DEN HAAG, Nederland
Despues di un par di siman pisa cu hopi reto tras di lomba a wordo constata cu tabatatin 11 studiante di Aruba cu a bin Hulanda pa nan estudio cu a wordo getest positivo pa COVID-19. Minister Besaril a splica apmlio riba e varios puntonan cu e aña aki tabata diferente cu tur e añanan anterior pa cu e proceso di e studiantenan di Aruba cu ta embarca pa nan estudio na Hulanda. Ta asina cu e no tabata un momento fasil ora cu mas cu 30 studiante mester a wordo getest y pa vigila esaki debidamente pa percura cu e salud di cada studiante no ta na peliger. Pero na final a logra test y vigila cada situacion hunto cu e cooperacion di e studiantenan y tambe e trabou duro incansabel di e staff y miembronan di Arubahuis. Minister Besaril tambe a papia riba e studiantenan cu a wordo getest positivo cu ya caba 4 a sali for di cuarentena y ta bek den bon estado y salud den communidad di Hulanda. Pa locual ta e resto di studiantenan por bisa cu nan tambe ta den bon rumbo pa recupera y pa tambe por ta bek riba pia den bon salud den nos communidad na Hulanda. Apesar di esaki tambe tin varios otro studiante cu ainda ta den cuarentena manera e proceduranan di RIVM na Hulanda ta stipula. Minister Besaril normalmente tur aña ta bula rumba pa Aruba pa por sinta hunto cu su colega Minister di Enseansa y pa pasa dor tur e preparacionan pe studiantenan cu lo bay studia na Hulanda. Naturalmente tin varios aspecto cu ta bin dilanti ora cu un studiante bay studia na Hulanda. Mester regla studente kamer, seguro, DUO y Aruba Lening etc. Tur e aspectonan aki ta puntonan esencial cu mester wordo regla na tempo y correctamente pa cada studiante. Lamentabelmente e aña aki nos a wordo confronta cu e reto di COVID-19 pero maske esaki a percura pa cada studiante por a cana nan proceso debidamente. Arubahuis y henter e staf di Minister Plenipotenciario di Aruba Minister Besaril ta constantemente den communicacion cu tur e instancianan y departamentonan pa segura cu nos studiantenan di Aruba por yega Hulanda cu un bon base y bon prepara.
Tin varios manera con Minister Besaril a percura pa communica den e temponan aki, un di nan tabata e varios webinar nan cu ela tene pa cu duna informacion na e studiantenan y instancianan. Ta asina cu tin hopi reto pa un studiante no solamente ora un studiante bin studia na Hulanda pero tambe ora nan keda cla cu nan estudio. Un di peso y precupacionnan di mas grandi di un studiante ta su studielening cu e mester cuminsa paga bek na momento cu e a keda kla cu su estudio. Mirando cu esaki e mester paga bek na montantenan grandi den euro hopi biaha e estudiantenan ta prefera pa keda Hulanda pa gana den euro pa nan por paga nan studie lening.Hopi biaha tambe e informacion pa cu e estudio di escohencia di e studiantenan no ta hopi amplio y esaki tambe ta algo cu Minister Besaril ta trahando duro riba dje. Embes cu ta bay studia por ehempel Internacional Communicacion un studiante por bay studia Logistic Management, cu estudio den esaki seguramente un studiante asina por regresa su pais Aruba cu ta un pais unda nos ta importa 90% di tur nos articulonan y productonan y aporta y tambe ricib un trabou bon den e sector aki. Asina por mira cu tin hopi mas trabou dilanti nos pero hunto cu un bon perseverancia e mandatario ta sigur cu lo por logra e metanan aki. Na final e mandatario ta pidi cada studiante pa pone bon atencion na tur informacion cu e autoridadnan na Hulanda manera RIVM y tambe Gobierno di Hulanda ta duna pa ta altanto di tur cambio y update pa cu reglanan y informacion rond di studiantenan y tambe COVID-19 na Hulanda.
