ORANJESTAD, Aruba
Bo lo gusta sinja sketch / pinta portret? Con pa pinta un pintura bunita di algun persona? Esaki ta posibel siguiendo e curso di portret especial aki, dezde 1 di september. cu Gustave Nouel (GN, www.gustavenouel.com). GN mes ta un retratista profesional reconosi, cu hopi experencia. Aki bo lo sinja e tecnicanan basico y universal di sketch y pinta portret, manera e artistanan ta hasi esaki na henter mundo, di Arte riba caja te cu retratista profesional cu arte den museonan.
Na cuminsamento bo lo sinja tecnicanan universal y secretonan profesional relevante di e artistanan cu ta sketch portret na París, Madrid y otro ciudad grandi di mundo, caminda GN tambe a sketch y pinta hunto cu e artistanan riba caya. Danki na e experencia aki GN a desarroja su mes curso ‘Pinta portret riba caya’ y ta comparti esaki, internacionalmente, cu cursonan y workshop riba tur nivel. E curso special aki ta hasi pinta y sketch portret sorprendentemente fácil, hasta pa principiantenan. Bo lo ricibi guía personal riba bo mes nivel di GN, pa bo por probecha di e curso máximalmente. Tambe pintornan profesional por profundisa nan arte di pinta portret y/o sigi ‘masterclasses’, di GN na Kunstcircuit, posiblemente un di e centronan di Arte más relevante na Hulanda… (mira: www.kunstcircuit.nl)
