ORANJESTAD, Aruba
Econimische Hervorming tabata conosi pa nos y awor ta Hulanda mester hasie den un Rijkswet?
Parlamentario Endy Croes a mustra bastante precupacion cu e actitud di Hulanda alrespecto diferente punto. Hulanda ta pushando pa reformenan atravez di Landspakketten mas un Entiteit esta Caribiesche Hervormings Entiteit (CHE), hinka den un Rijkswet. Hulanda no tin compasion cu crisis y kier laga Aruba muri di hamber mes si no firma e siman aki. Banconan na New York unda Aruba tin como 2000 miyon na debe nunka a trata Aruba desformal manera Hulanda ta tratando nos. Nos ta prestando plaka y pa esey nos mester entrega nos companianan estatal, bende sharesnan cu Hulandes,laga nos economia, husticia, enseñanza, salubridad publico cay den man di Hulanda. Nos ta hopi leew di cas pa laga Hulanda “VERKRACHT” Aruba di e manera aki.
/// Reforme di economia nos a bin ta papia riba esaki di basta tempo:
Ora lesa rapportnan cu a condusi Hulanda na e desicionnan aki por tuma nota di diferente problema cu nos mes a kaart nan aan y kisas no a haña e chens pa traha riba nan adecuadamente. Den reforme di economia por ehempel e puntonan di mas importante cu Hulanda ta accentua ta pa drecha y stimula e clima pa inversionistanan. Entreotro mester kita e “Redtapes”. E rapport ta ilustra cu Vergunningsverordering y Vestigingsvergunningverordering ta anticua y mester wordo atendi. Parlamentario Endy Croes a splika cu desde 2018 a papia masha hopi den prensa y interno riba esakinan. Por corda con a menciona constantemente cu pa un comerciante lanta un NV of VBA esaki ta dura casi 8 siman na un Notaris y ta costa rond Afl.2500,- mientras na Hulanda esaki ta dura 4 dia y ta costa 300 Euro. E dolor di cabez y burocracia pa Bo saca un vergunning por ehempel pa un Bar Restaurant ta fuera di contexto, e proceso di DWJZ, Brandweer, Polis y DVG ta uno absurdo cu ta dura minimo 6 siman sin conta e proceso y condicionnan pa lanta un cuenta di Banco. Banda di esaki na Economische Zaken otro burocracia pa un vestigingsvergunning cu ta dura casi 8 siman. Pues Croes a splika cu nos mes a detecta tur e problemanan aki y tabata den proceso kisas slow pero pa tackle e bottle neck nan aki cu ta frena y stroba nos economia formalmente. En persona mi a protesta contra esaki internamente totalmente. Lamentablemente awor parse cu ta Hulanda mester bin hasi esaki pa nos anto den un Rijkswet. Dieptriest!
/// Hulanda kier pusha tur cos bou Rijkswet y pami ta inaceptabel:
Hulanda atravez di Kops y Henk Kamp kier pusha tur e structura aki bou di un entiteit cual lo bay resorta bou leynan Hulandes esta cu lo mester raporta na Minister di Hulanda y Tweede Kamer a cambio di un saco di plaka. Personalmente mi ta hanja esaki un falta di respet profundo y no kier ni pensa mes e manera cu hendenan manera Henk Kamp te cu awe illegal den CAFT contra tur ley ta un di esnan cu ta pushando pa Aruba entrega su Status Aparte na Hulanda na un manera di ladron di anochi. Inacceptable.
Ami lo para pa mi Status Aparte di Betico. No por forsa Aruba den un cambio di Statuut asina drastico y grandi sin consulta cu pueblo. Ami lo prefera di bay elecion y laga pueblo dicido finalmente. Ta keda demostra cu macamba ta hendenan falso y no di confia. Parlamentario Endy Croes lo sa di bringa e actitud bochornoso aki di Hulanda te final y no lo forma parti di ningun pero ningun forma pa entrega nos autonomia bek na Hulandesnan primordialmente awor den un crisis mundial. Foei Hulanda.