ORANJESTAD, Aruba
Minister Evelyn Wever Croes ta hungando un wega sumamente peligroso. Den un entrevista cu mr. drs. Arthur Dowers el a duna di conoce cu e Prome Minister di pais Aruba pa algun siman caba ta gañando pueblo di ta hibando negociacion cu Hulanda, pero por conclui cu no ta hibando nada, mirando cu parlamento cu ta sostene gobierno cu a manda carta rond mundo pa critica Hulanda y e manera cu e ta tratando e situacion.
Na momento cu ta negocia cu Hulanda, si acaso esey ta berdad, no por ta asina cu ta manda carta tur caminda rond ataca niun hende. Na mes memento por a tende cu tin un payaso den MEP cu ta ataka partido AVP, insinuando cu AVP lo a boycotia dicho carta, cual Dowers ta nenga rotundamente.
Arthur Dowers ta enfatisa cu AVP no a stroba niun hende di nada niun carta y tambe ta recorda nan cu nan ta mayoria den parlamento pa locual ta trata probechamente personal di nan tur. Sin enbargo pa interes di pueblo nan no por haya otro.
Siman di pantomina pa posicion di un Minister
Un siman caminda politiconan no por haya otro pa retira un Minister. Un coalicion cu ta basa riba mentira, fundeshi di corupcion y muy probablemente e persona aki cu tabata forma parti di parlamento y sostene na gobierno, na momento cu nan retir’e e lo bay basha abou riba mas di nan.
Por a compronde tambe cu e focus primordial di Minister Lopez Tromp ta destruccion di su mes un partido, cu base mirando cu tin hopi corrupcion a tuma luga den e partido ey. Y di otro banda a surgi un miedo grandi di parti e partido mirando cu e lo por papia locual cu e s di nan. Pesey ta mirando esfuerso maximo tumando luga entre Partidonan POR y MEP pa baha e Minister aki for di su cargo y na otro banda otronan no ta di acuerdo y no kier forma parti di e accion aki y como tal nan no tin mayoria pa bahe.
Accion sin precedente locual kier haci y riba un caminda cu no ta legal
Locual cu Minister Wever Croes kier haci no tin precedente, den pasado un otro Minister a acepta y cana e caminda legal pa baha di su posicion a ricibi critica severamente di e Profesor Andin Bikker, y awo ta resulta cu e mes un profesor y Minister President ta bin cu un construccion cu intencion pa kita un cartera di un Minister dor di un Minister, cual ta Andin Bikker. Na momento cu e formula aki no a resulta a bay Minister Raad pero aki no a dicidi di cana e caminda corecto pa kita e Minster aki for di su posicion, traha un landsbesluit y mande parlamento pa su punto di bista, NO !
Nan a bin cu un construccion y ta bisa Minister Lopez Tromp pa e bay haci un “Fast Track”, cual no ta algo cu ta conoci cerca Dowers, y for di aki nan lo tuma Lopez Tromp su cartera over. Ley no ta duna nan e autoridad ey. Una bes cu nombra Ministernan via un landsbesluit, e Minister huramenta tin e autoridad y ta politicamente responsabel pa su cartera. E minister na pais Aruba ta keda responsabel tanten cu no pasa via un landsbesluit igual cu a nombre, retir’e como Minister. Tanten cu esey no pasa no por retira niun Minister.
Evelyn wever Croes mester ta basta grandi pa e sa cu e no por tuma over , via desicion den ministerraad, cartera di un otro Minister. Algo por bay robes, desicionnan robes y e Minister huramenta lo ta esun politicamente responsabel y no esun cu a asuni cargo temporalmente.
Parlamentario Arthur Dowers ta menciona tambe e echo cu Evelyn Wever Croes no ta un “ Zuivere Coffee” y cu tin denuncia haci den su contra pa propechamento y mal uso di su funcion, y bay haci mes un cos den cartera di su colega, e colega lo keda personalmente responsabel.
Comentario di propio politiconan di nanmes un partido ta di opinion cu un eleccion nobo lo mester a tuma luga no awo, masha dia caba. Un coalicion cu no tin base pa tey, cu no ta sirbi y no tin sosten di e pueblo pero asina mes ta keda y trastorna y castiga e pueblo pa resguarda interes personal.
Algo cu nunca a pasa den historia di pais Aruba, e ta un berguensa pa politica di e pais aki, nunca mester a pasa y di cual mester caba tambe.