ORANJESTAD, Aruba
Parlamentario Endy Croes ta hopi precupa cu e situacion actual unda Hulanda ta precionando Aruba pa via un Rijkswet bay den direcion di un entidad esta Caribische Hervorming Entiteit ( CHE) pa asina por bin na remarke pa haña ayudo financiero.
/// Peru ta celebra dia 28 di Juli 199 Aniversario di Independencia:
Mientras paisnan den Americas ta celebra cu un orguyo imenso nan libertad, Aruba ta den discucion cu Hulanda pa no wordo colonialisa bek. Asina nos por menciona Colombia a celebra 208 aña di independencia recien, Venezuela 208 aña, Ecuador 209 aña, Mexico 209 aña, Republica Dominicana 175 aña, Peru diamars awor 28 di Juli lo celebra 199 aña di nan Independencia. Den e Himno di e paisnan aki bo por scucha e palabranan y sentimiento di orguyo y alegria cu ta reina y e respet pa esnan cu a atravesa e caminda y lucha pa libera nan pueblo. Ora nos hasi un analises riba esaki nos ta constata cu Hulanda por ehempel ta hasiendo hopi maluso di e Pademia esta corona virus pa oprimi un pueblo pa “roba” su autonomia y libertad.
/// Nos no tin miedo di cambio pero trata nos cu respet:
Con Henk Kamp y Knops por a hinka den nan cabez pa laga nan amigo politico Koert Buiren traha un rapport, kende ta esun cu a bin cu e idea pa un Entiteit anto casi sigur Koert mes lo ta e Voorzitter di e Entiteit ( CHE) aki. Koert Buiren ta un economista cu a desmantela Antillas entre 2008-2010 y ta mesun amigo di Henk Kamp y Knops kende a lanta Economisch Bureau Amsterdam ( ECA) na maart 2019 y na october 2019 a haña un contract miyonario pa skirbi un rapport riba e islanan. Pues Koert a cobra capital pa scirbi tur e Landspakketten y e mes lo bay cobra salario magestral pa luna pa ehecute dado caso esaki bay door. Asina Kamp y Knops kier bypass hasta tweede kamer pa bom algo contra tur proceso democratico decente cu nan unico menasa cu Hulanda No lo presta plaka si no “teken bij het krujsie”. Situacion ta berdad ta penoso pero cu Hulanda of sin Hulanda nos lo sali afor. Na 1986 nos no a ria pa nos Status Aparte momento cu Lago a bay.
/// Aruba no tin problema cu hervorming y gobierno a adelanta riba esaki caba:
Aruba no tin problema cu reforme (hervorming) y mediante nos Promer Minister a inicia cu diferente reforme caba entre otro reforme fiscal. Kops mes den un entrevista a admiti esaki y a bisa zowel gevraagd als ongevraagd hervorming Aruba a adelanta riba esakinan. Pues e Landspakketten no mag di ta un problema pero mas cu klaro lo tin algun issues pa ahusta den eseynan. Tristo ta e manera cu Hulanda kier implementa esaki pushando Aruba cu esaki mediante un Rijkswet minando asina Aruba su autonomia ja cu 3 Hulandes ( entre otro Koert Buiren) lo tuma tur desicion na Den Haag, drenta cumpra shares den tur compania estatal y keremi aki 10 aña tur Directeurnan y Staff ta Hulandes. E rekesitonan cu cualkier cuidadano mester pa drenta den un of otro funcion lo bay ta di tal manera cu ta Hulandes so lo bay cualifica y ocupa e posicionnan aki te hasta den gobierno. Cu tur repset pero Arubiano boso cuida lokual nos tin paso tempo lo mustra nos e berdadero cara di Hulanda. Ta tempo pa nos uni y pensa Aruba na promer lugar. Mientras Hulanda ta probecha di algun cuidadanonan cu No a soda pa nos autonomia y ta malusa nan pa nan purba crea desunion pa asina Hulanda pusha su plan masacre sin mucho resistencia. Si Hulanda kier juda e Statuut actual tin tur ingrediente pa nos por jega na acuerdo pa por traha hunto. Solamente repect mester di parti Hulanda pa esaki funciona. Aruba nos ta para dilanti un cruzada hopi importante pa cu historia y futuro di nos pais. Cu Papa Dios ilumina nos tur pa por logra un salida elegante y faborable pa Aruba.