ORANJESTAD,Aruba
Minister independiente Marisol Lopez Tromp a prefera di entrega maneho di desperdicio di Aruba enbes di lucha pa compania estatal. Den otro palabra asina varios comentario tin di comunidad di Aruba riba decisionnan cu e mandatario indepeniente a tuma contra ley y contra di bon gobernación.
Edwina Henriquez no ta un persona desconoci den nos comunidad y ta hopi skerpi riba diferente punto cu tin principalmente riba maneho di gobierno. Den su expresion riba medionan social por a tuma nota di un expresion fuerte y cu ta menciona cu tin prueba tambe.
Asina aki e expresionnan a cuminsa: Pakico Marisol Lopez Tromp no ta bisa cu el a regala e maneho di desperdicio na Aruba na Eduardo de Veer esta Eco Tech/ Eco Gas ya cu e amigo intimo di e persona importante den Metacorp Rick Timmer. Marisol Lopez Tromp ta pone un ex empleado di Astec na cabes di Serlimar asina cu el a sinta riba su trono cu e meta pa laga Serlimar bay bancarota y asina 218 empleado di Serlimar lo perde nan trabao. “Mi tin e contract como prueba” , Edwina Henriquez ta menciona den su declaracion riba medionan social. Marisol ta sigui cu e prostitucion di e bienes di pueblo di Aruba a cambio di miyones pa su mes, Henriquez ta denuncia.
Awo si MEP-RED-AVP -Daphne Lejuez para tras di Marisol Lopez Tromp y vota contra un mocion di desconfiansa contra Marisol Lopez Tromp e ora tur ministernan di MEP -RED den gobierno di minister president Evelyn Wever Croes y tur e miembronan di parlamento MEP-RED-AVP y Daphne Lejuez ta bira doño di e corupcion di Marisol Lopez Tromp.
Edwina Henriquez a duna di conoce tambe cu carta lo bay otro siman pa RMR y TK pa denuncia corupcion di Marisol Lopez Tromp cu ta hasta aparece den Panama Paper, asina e expresion di Edwina Henriquez a termina riba su red social.
Sinembargo loke cu ta un realidad desde cu e mandatario independiente a sinti e no a pensa dos biaha di haci su circulo di confiansa kitando varios hende y pone su mesun hendenan den posicionnan clave pa yude. No ta desconoci cu Marisol Lopez Tromp a traiciona varios Partido politico cu ela subi riba dje entre otro MEP,AVP y na final POR. Awe por mira un biaha mas e mandatario independiente ta scoge pa no scapa patrimonio di pueblo y pone esaki den man di compania priva den un tempo record. Esaki tin un motibo? pa kico lo e ta? kico ta e motibo? Kico ta e secreto cu tin tras di e empeño pa Serlimar no ta di nos pueblo mas ? Minister independiente Marisol Lopez Tromp a prefera di regala maneho di desperdicio di Aruba enbes di lucha pa compania estatal. Expertonan ta bisa cu tabatin otro forma enbes di opta pa surseance van betaling.
