ORANJESTAD,Aruba
Bahamas tin record di 15 caso di COVID19 pa dia. Prome Minister Dr. Hubert Minnis a anuncia serada di frontera di tur entrada di vuelonan commercial di Merca cu exepcion di Canada, United Kingdom y Union Europeo desde diaranson awo.
A anuncia inmediatamente serada di vuelonan cu ta bin for di Bahamas airflights cu restriccion eleva pa asina baha e danjo di e virus cu por bolbe subi.
Pa esnan cu ta di bishita na Bahamas nan si lo por sali despues di diaranson pa nan destinacion. Tin 49 casonan nobo desde cu frontera a habri prome di juli. Den cual 31 di e casonan aki ta bin for di Grant Bahama y 18 ta di New Providence.
E personanan nobo afecta ta forma un total di 153 caso confirma na Bahamas den su totalidad. E casonan nobo di COVID19 na News Providence a surgi den dos hende homber un di 53 anja y 29 anja, cu tabatatin un historia di viahe, incluyendo dos hende muhe di 29 anja y 52 anja cu tambe tabatatin un historia di viahe.
E otro 11 caso nan a bin for di grand Bahama cu a surgi den tres hende muhe y 8 homber den edad cu ta varia di 17 anja pa 71. E detayenan di historia di viahe no por wordo confirma y team di salud ta investigando cada caso.
Prome Minister a anuncia orarion nobo di Toque de Queda di 7 or di anochi pa 5 or di mainta cu lo cuminsa dialuna awo. Tambe a wordo menciona cu tur beach priva y publico lo ta sera te cu un aviso nobo desde dialuna 5 or di mainta.
Adicionalmente frontera internacional lo ta sera pa tur yegada y salida di vuelo y barconan di y pa Grand Bahama, cu exepcion di transportacion di emergencia.
Parkenan publico y Beach na New Providence lo ta sera desde dialuna 5 or AM te cu proximo aviso