ORANJESTAD,Aruba
Manera a menciona caba cu for di aeropuerto ta haci testnan y detecta si un persona tin e virus di COVID-19 of no , esaki ta pa evita cu ta drenta Aruba y contagia otronan. Aruba a habri pa algun pais cu ta di menos risico , pero tambe a habri pa merca cu ta un mercado ainda cu ta di halto risico , pero a habri solamente pa estadonan cu menos risico. Sinembargo awe 19 juli 2020 DVG ta informa cu dos caso mas di Covid 19 Corona virus a keda constata.Ta trata aki di dos persona no residente cu a test positivo na nan yegada na Aeropuerto. Ambos persona ta bon di salud y segun proceduranan indica pa e protocol nan tur dos a bay den isolacion. DVG no ta divulga di cua pais nan ta bin y tampoco di cua aeroliña nan ta bin pa respet y tambe dor di no por divulga informacionnan confidencial di e persona sin pidi e persona permiso, mirando cu nan salud ta esun primordial na e momentonan aki.E total ta bira awor 10 caso activo di Covid 19 registra na Aruba. DVG ta desea e pashentnan un pronto recuperacion. Pa mas informacion tocante di update di casonan di Covid 19 y tur otro informacion, Tips y Protocol por bishita e website www.arubacovid19.org.
