ORANJESTAD,Aruba
8 aña di AVP a presta 2000 miyon y a redobla e debe desgraciado e finansas publico Parlamentario Endy Croes ta splika cu awe despues di Rijks Ministerraad na Hulanda Staatssecretaris Raymond Knops a basha duro riba Mike Eman y AVP. Awe un biaha mas Hulanda a confirma cu 8 añanan di AVP tabata devastador y nan a redobla e debe. Esaki ta reconfirmacion di e grito di Mike Eman den sala di Parlamento cu e ta orguyoso di e debe y e debe tey pa henter e pueblo bay page. Ainda mi por corda un cantidad di coordinadornan riba payroll sinta ta bati man den tribune di Parlamento momento Mike a bisa esaki. Hopi tristo cu nos hendenan ta
/// Afgelopen 8 jaar onder AVP is de nationale schuld verdubbeld:
Esaki ta palabrannan di Raymond Knops. Kisas Raymond Knops a hasta expresa esaki cu dolor como cu Knops ta CDA y partido CDA cu AVP ta zusterpartij pero enrealidad e NO por a sconde e berdad pa e Pueblo Hulandes. Expresion aki ta tur caminda riba rednan social y media. Raymond Knops a bisa tambe lo siguiente” Huidige regering (Kabinet Wever Croes) ze hebben een pad ingezet van tekort naar overschot”. Tot aan Covid lukte het heel aardig”! Pues reconfirmacion di e respect cu Hulanda tin. Gabinete Evelyn Wever Croes bou liderasco di Evelyn a ricibi deficitnan di AVP na 444 miyon pa aña y a bolter esaki den 20 miyon surplus na 2019 y 46 miyon surplus pa cu 2020. Lamentablemente Covid 19 a cambia tur e scenaro.
/// Desaster financiero di Mike Eman y AVP banda di corupcion y fraude:
Cumpliendo cu nos obligacion nos mester recorda pueblo di e desaster financiero y Mega Debe cu Mike Eman y su “gang” di AVP a causa den solamente 8 aña di cual Raymond Knops a referi na dije. A redobla e debe di pais Aruba prestando 2000 miyon florin. A malgasta 1000 miyon den programa Bo Aruba y riba esaki tin rapport di Algemene Kamer mas keho oficial entrega. A redobla interes riba plaka presta unda den 2019 Aruba a paga 232 miyon solamente na interes cual ta igual na 635 mil florin pa cada dia. Mike a firma projectonan PPP pa e pueblo aki paga te 2037 na balor di 82.4 miyon pa aña. Mike su coordinadornan den su gabinete y oficina a wordo paga na un suma di 142 miyon florin. Mike a aumenta gastonan di personal ( di acuerdo cu rapport Algemene Rekenkamer) cu 81.3 miyon florin den 8 aña. Mike a acomoda Richard Arends y su Horizon Consultancy pagando Richard Arends 4 miyon florin mas a regale un contracto di Afl.22500 pa luna como CFO RDA. Patrick Paskel y Speed hunto cu Thera Group y Paxi a cobra rond 7 miyon florin. Abogado amigo di cas Sjiemfat a strika 5.3 miyon florin. Fiesta di Mike Eman su cumpleaños 1 di september 2017 riba e brug na spaanslagoen a costa pueblo 142 mil riba un anochi. Ta un lista masha largo tin. A malgasta 20 miyon den Utilities y un otro 20 miyon den RDA sin cu refeneria nunka a habri. Biahenan cu jet priva na cantidad. A biba manera Shiejk. A hedge WEB unda a perde 300 miyon florin. Un maneho a lo loko . Tin varios keho entrega y diferente mas cu ainda lo wordo entrega. Pues awe Raymond Knops a reconfirma e desaster aki. Si no tabata pa e mal maneho aki mas e 2000 florin cu Mike Eman a presta awe Aruba no mester ta mendiga na Hulanda y nos lo ta para fuerte riba nos propio bida. Cu hopi creatividad nos lo percura pa pone Aruba para bek riba su pia.
