ORANJESTAD, Aruba
Aki si Benny bon decumenta a lubida cu su partido PPA semper tabata na fobor di un federacion, e ta e unico cu a vota contra Status Aparte, su Ministro di Justicia di e tempo ey, senjor Leo Chance a manda Riot Comando pa kibra e lucha di nos pueblo.
E a sinti dushi ora cu den entrada di Status Aparte e a bira Ministro y a cuminsa disfruta di un pension miyonario cu apenas 45 anja di edad, mas un cantidad na overbruggingstoelage, su pension mester ta ariba fl. 40.000.00 pa luna? Benny esey ta biba lubida.
Ta tristo cu e ta bin cu un cantidad di argumentonan hasta cu den un gemeente nan por kita nomber di un pais o isla, manera p.e. Bonairo nan lo bai yame Flamingo y su Aruba bira un gemeente nan por cambia e nomber pa Eagle Beach. Ridiculo, muchachada, opinion di un di e politiconan elite di nos pais cu jamas lo bin na un posicion, peor den un gemeente. PPA a muri hopi anja pasa caba y ta Benny mes a caba cune.
Pueblo den e dianan aki tur e partidonan grandi ta culpa otro di a bende nos aotonomia, nos Status Aparte, nan mes ta culpa otro di corupcionnan y mal uso di poder, si nan mes cu ta den Parlamento ta culpa otro di e forma aki, anto pueblo por imagina cuanto abuso di poder a tuma lugar durante 34 anja di Status Aparte. Polticonan elite tin miedo di un gemeente, debi cu nan lo ser bon controla door di Hulanda. Politiconan cu hiba nos pais den un pobreza total.
Si tur e Gobiernonan despues di Status Aparte no a abusa di e pueblo, horta nos placa, bira miyonario, awe nos pais por ta e MONACO den Caribe. Mal gobernacion, ladronicia, corupcion, fabornan politico na famia y amigo a hiba nos den un pobresa total, un pobresa cu Aruba no tin placa, famianan pober, dolor pa bisa, pero muchanan cu no tin cuminda pa come tur dia.
‘
Di un pais poderoso ariba tereno di turismo, pa un pais pobber sin placa, sin Hulanda nos no por hala rosea y ariba dje polticonan influente den cierto partidonan kier pa nos bira indenpendiente, perdiendo nos pasaporte Hulandes.
Tur ta contra Hulanda ta critica Hulanda, pero ta orguyoso di e pasaporte Hulandes y tambe ta danki na Hulanda cu awe ainda nos por hala rosea.
Claro cu Hulanda no por confia politiconan cu a provecha di tur provenir cu e pais aki a trece cune, ta solamente un man yen di politiconan elite miyonario a provecha di esaki.
Si bo papia di 8 biyon na debe no ta coi loco, ningun Gobierno por soluciona esaki, ni cu nan traha di dia y anochi,
Salbacion di nos pais ta un bijzondere gemeente, cu hendenan capacita, cu door di tur Gobierno a ser poni un banda, pa dirigi nos pais.
Sigui firma, awor mas cu nunca, bo firma ta secreto.
Movimiento Futuro pa un Aruba nobo.
