ORANJESTAD, Aruba
Hilton Aruba Caribbean Resort & Casino recientemente a haci un donacion generoso di 70 mesanan banquet nobo nobo na fundacionnan y organisacionnan social local, coordina por medio di bureau di Ministerio di Asuntonan Social.
Blue Energy Committee na Hilton Aruba Caribbean Resort & Casino a tuma contacto cu e bureau di Ministerio di Asuntonan Social pa identifica e necesidadnan di mesanan nobo. E miembronan di Blue Energy Committee a coordina y brinda e mesanan na 15 diferente organisacion y fundacion: Imelda Hof, Casa Cuna, Grupo Walishali, Grupo Kawara, Grupo Magdalena, Grupo Kibrahacha, Centro di Bario Noord, Centro di Bario Santa Cruz, Centro di Bario Savaneta, Centro di Bario Tanki Leendert, Pica Piedra Speel School, Curason Contento Peuterschool, SVGA, Pasadia Infantil Te Aworo, Ambiente Nobo. Cada un di e fundacionnan y organisacionnan aki, den nan mesun manera a yuda sostene y continuamente duna bek na comunidad, pa asina yuda sostene e esfera special riba nos isla.
E Blue Energy Committee na Hilton Aruba Caribbean Resort & Casino, cual ta yuda planea e resort su diferente actividadnan comunitario, a sinti cu e proyecto ta fit perfectamente cu e compania su filosofia riba inversion den comunidad local. E filosofia aki a prevalece den e compania pa mas cu 100 aña caba, determina pa sigura crecemento sostenibel y sigur pa un y tur.
“E miembronan di e team ta sinti nan mes honra di por yuda organisacionnan social y fundacionnan na Aruba,” Glenn Farro, director di recursonan humano ta bisa. “Nos ta sinti cu e ta nos responsabilidad pa duna bek na comunidad cu a sostene nos y brinda nos asina hopi apoyo.”###
Tocante Hilton Aruba Caribbean Resort & Casino
Localisa na e beachfront di mas grandi den area di Palm Beach y menos cu 16KM di e ciudad capital di Oranjestad, Hilton Aruba Caribbean Resort & Casino ta duna nan bishitante bon bini na un top experiencia hotelero. Incluyendo architectura iconico , beachnan unico, hardinnan bunita, area di pool expansivo, club pa mucha, watersports y dive center, eforea Spa di clase mundial, on-site casino y escogencianan culinario cu tur tipo di variedad y sabor, e resort aki tin algo pa ofrece pa tur hende.
Hilton Hotels & Resorts ta reconoci pa su hospitalidad rond mundo, brindando un producto nobo di inovacion y servicio pa por cumpli cu tur necesidad al caso di nos bishitantenan. Cu 580 hotel rond seis continente, Hilton Hotels & Resorts su propiedadnan ta localisa na localidadnan rond mundo cual ta mas busca pa bishitantenan cu ta consciente cu e destinacion tin su balor. Hilton ta honra miembronan cu ta book directamente via canalnan preferibel di Hilton pa haya acceso na beneficionan instantaneo. Cuminsa bo biahe na www.hiltonhotels.com y siña mas por medio di bishita newsroom.hilton.com/hhr y sigui Hilton Hotels & Resorts riba Facebook, Twitter, y Instagram.
