ORANJESTAD,Aruba
Awe Aruba victimanan y muchanan a sali afo y bin dilanti cu no por sigui tolera mas cu pedofilnan na Aruba ta wordo protegi. E protesta tabata a cuminsa na corte di prome instante y despues a marcha pa asina yega parlamento. Ta basta stop cu abuso di mucha tabata e mensahe bon cla. Un protesta cu a bay pasivo y cu hopi mensahe y tristesa treci padilanti. Abuso di mucha no ta permitibel na ningun pais, esaki ta inaceptabel pa cualkier ser humano. Hopi a keda vocivera cu no mester tin berguensa si ta trata di hende conoci of no, cada victima mester sa cu nan por conta cu sosoten di hopi hende cu no ta acepta tipo di actonan asina. Na final a entrega e manifiesto y tambe por a mira e peluchenan cu a keda atras dor di e muchanan cu ta cana cu e dolor den nan alma di e daño cu e pedofil cu ta cana rond a haci daño na muchanan inocente.
