ORANJESTAD,Aruba
Prome di Juli 2020 ta un dia hopi special y historico pa Guarda nos Costa cu no solamente a estrena nan uniform nobo cu mesun logo como Bureau Guarda nos Costa pero tambe a haya batch di identificacion.
Fuera di uniform nobo a haci entrega tambe di e batch di identificacion cu ta hopi importante special ora Guarda nos Costa subi caya pa haci su control. Cu e batch di identificacion nan por mustra cu nan ta trahado di Guarda nos Costa y den ki funcion nan ta trahando. Cu esaki tambe ta promove e transparencia di e trabou.
Tambe a haci entrega na un grupo special di Guarda nos Costa cu ta encarga cu cuido di nos costanan pa nan por sigui haci nan trabou debidamente. Como muestra di aprecio e compania cu a entrega e uniform na cada empleado di Guarda nos Costa a haci entrega di un mug cu e logo nobo di Guarda nos Costa riba dje.
Directora di Guarda nos Costa Sra. Trudy Hassell ta agradecido na Sport Caribe cu a haci e gesto ey na personal di Guarda nos Costa.
Guarda nos Costa ta un organisacion autonomo den constelacion di Land Aruba.