KRALENDIJK,Curacao
E situacion actual na Corsou ta uno hopi serio cu a pone cu autoridadnan a dicidi di impone un Toque de Queda. Corsou a caba di sali di un Toque De Queda nacional relaciona cu e pandemia di coronavirus. Y diaranson den oranan di atardi Gobierno a dicidi di haci uzo di e herment aki pa evita continuacion di e desordo di e dia ey relaciona cu decisionnan tuma door di Gobierno di Corsou.
Dia 24 di juni tabatin demostracion. Durante y despues di e demostracionnan aki a surgi situacion indesea unda cu a viola ordo publico. Pa e motibo aki Gobierno a dicidi di introduci e areglo temporal aki di Toque de Queda pa pranan di anochi pa mainta.
Durante y despues di e demostracion a tuma luga casonan di kiebro, robo, destruccion na propiedadnan priva y otronan di Gobierno, pero tambe a cende candela na diferente luga na Corsou. Tur esaki a trece e miedo pa continuacion di violencianan publico of lantamento den diferente area di e isla. P’esey Minister di Husticia Girigorie a bisa cu ta necesario pa bini cu Toque De Queda, pa protege ordo publico.
Pues cu e medida aki ta prohibi pa haci uzo di camindanan publico entre 8.30 di anochi y 6’or di mainta. Solamente personanan cu ta haci un trabou escencial y cualnan ta describi den e decreto firma pa e mandatario.
E medida ta na vigor pa areanan di “binnenstad”, area di waf, area historico.
