ORANJESTAD, Aruba
Parlamentario Endy Croes durante conferencia di prensa dialuna ultimo a splika dos punto hopi importante. A splika cu a entrega un keho official na Ministerio Publico alrespecto transferencia(nan) bancario cu Mike Eman a ricibi riba su cuenta Fundacion Campaña Mike Eman. Ta trata di entreotro 50 mil dollar esta Afl.90.000 florin cual ta un di e diferente transacionnan. Esaki ta un plaka cu a bin di Roberto Rincon su compania Tradequip di Maracaibo cual a pasa via Panama pa jega riba cuenta di Mike Eman. E ultimo transacion di 50 mil dollar a pasa riba e fecha 16 di September 2013 esta 11 dia promer cu elecion cual a tuma lugar 27 di september 2013. Mike Eman a sera campaña cu un lighting parade miyonario cu 11 banda free riba caretera. Plaka preto di Roberto Rincon kende a wordo acusa y sera na merca pa soborno di mas di mil miyon dollar a wordo usa pa cumpra votos di hendenan humilde. Asina AVP a logra 33 mil votos y Mike Eman a logra un total di 8222 di votos.
/// Preguntanan oficial a bay pa (3) Ministers:
Alrespecto esaki Parlamentario Endy Croes ta sinti cu algo a bay robes y tin hende of instancia(nan) a peca y faya cu nos leynan. Pa e motibo aki a hasi uso di e toolsnan cu un Parlamentario tin y a manda preguntanan por escrito pa (3) Ministers tanto Promer Minister, Minister di Financia y Minister di Husticia. Croes kier haña sa si e Banco encuestion a cumpli “na tempo” y a meld e transacion aki na MOT conforme cu nos leynan vigente. Tambe Parlamentario Croes a manda puntra si MOT na su turno a meld e transacion dudoso y sospechoso aki na su turno na Ministerio Publico conforme ley. Finalmente tambe kier haña aclareacion si Ministerio Publico den luna di September/October a meld esaki momento cu Mike Eman a pasa screening pa bira Promer Minister pa di dos biaha di pais Aruba. Segun Parlamentario Croes algo no a bay bon y ta pesey banda di a entrega un keho contra Mike Eman pa investiga e caso aki tambe a hasi preguntanan di vital importancia pa determina unda y ken posiblemente por a faya den e proceso aki y no a cumpli cu ley.
/// Mike Eman NO tabata Ministeriabel y Aruba por a sali beneficioso:
Si e control debido cumpliendo cu e ley existente di MOT a tuma lugar Mike Eman nunka por a pasa e screening pa Minister. Es decir Mike Eman nunka por a bira Promer Minister pa di dos biaha na aña 2013. Esaki lo tabata significa cu Aruba no por a wordo masacra financieramente y lo a evita tur e corupcionnan di Paul Croes, Benny Sevinger, Mike de Meza y lo a scapa un grupo grandi di a of lo bay deal cu husticia pronto. Tur esaki por a wordo savalguardia solamente si a cumpli cu e ley. Pesey Croes ta haña importante pa sa si tin un of mas hende of instancia(nan) cu por a faya den esaki pa trese claridad mientras investigacion ta cana su caminda.
