ORANJESTAD,Aruba
Apreciabel Miembro di prensa
Mi nomber ta Ana Bermúdez, ami cu mi yiu di crianza Vanderlensia Horeb di 4 aña di edad naci na Aruba a wordo manda Cali, Colombia pa ricibi cuido medico cu na Aruba no por wordo duna.
Vanderlensia (mihor conoci como Eva) ta un mucha cu parálisis Cerebral. E no por cana, sinta, papia, ni come via boca. E tin un traqueostomía y un gastrostomía. Loke ta haci cu Aruba no por dune un continuidad na e tratamento cu e ta ricibi aki na Cali. Pa e motivo aki, nos mester keda di un forma indefini akinan na Cali.
Esaki no ta nos decisión, pero ta e circunstancia nan a haci cu nos mester keda te na e momento cu e por wordo decanula( hala rosea di su mes) y Aruba por duna continuidad na su tratamento.
Siman pasa nos a haña un comunicado di parti di Oficina Internacional di Clinica Valle de Lili, unda cu nan a informa nos cu AZV no ta paga mas daggeld ni pa e aconpañante( den nos caso ami cu ta e mama), ni pa e pashent cu ta usa peg(den nos caso mi yiu). Esaki kiermen cu nos no ta bay ricibi nada y cu nos no ta bay tin niun manera pa survive aki na Cali.
Mi kier aclarea cu ami ta un mama soltero, cu no tin niun ayudo di gobierno, ni por traha.
Mi yiu ta depende 100% di mi. Dus esaki kiermen cu mi no por bay laga mi yiu su so door di su condición.
Pero tampoco mi por keda muri di hamber akinan.
Mi a purba di tuma contact cu case owner di mi yiu, cu Direktur di AZV, Minister Dangui Oduber, Minister Glembert Croes. Mi a manda carta y video pa nan tur, pero lastimamente mi no ta hañando contesta ni ayudo di niun hende.
Kico mi tin cu haci????
Mi tin cu sali buska trabou aki na Colombia pa por come? Anto ken ta bay wak pa mi yiu di 4 aña?
Nos a wordo manda door di AZV, awor nan ta hewong laganos den un situacion sin niun ayudo!
Mi tin cu bay Aruba pa mi haña un trabou, Anto laga mi yiu su so na Colombia pasobra Aruba no por dune tratamento????
Ami ta hopi conciente di Aruba y AZV su situación, y ta compronde cu nan mester tuma cierto medida, pero, esaki ta un caso extraordinario, unda cu nan no por manda e mucha bek Aruba. No paso nos no kier, pero pasobra nan no por dune cuido medico ayanan.
Ami ta kere cu door di e naturaleza extraordinario di e caso y/o e condición di e mucha, di e mesun forma e caso aki mester wordo trata.
Nan no por hinca tur pashent den e mesun molde. Esaki kiermen cu nan no por tuma e mesun medida pa tur hende. Nan no por pensa cu un mucha di 4 aña por bay exterior anto keda su so, mescos cu un adulto. Nan no por pensa cu un mama cu ta su so cu su yiu special tin ceng pa come mescos cu un hende cu ta ricibi pencion of bijstand, of un hende cu ta ricibi un salario.
Ami ta haña e medida aki ta unfair. Mi no por ni imahina cu mi tin cu bay anto laga mi yiu aki na Cali.
Boso no tin idea di tur e estres, sufrimento, dolor, preocupación, deseperacion cu henter e situación aki ta causando na e mamanan di pashentnan aki na Cali. Pasobra ami no ta e unico mama den e situación aki. tin 3 mama mas cu nan yiu special of cu cancer cu ta pasando den e mesun situacion cu ami.
No ta suficiente cu tur loke nos ta pasa aden tur dia cu e condicion di nos yiu y nan sufrimento, y awor tambe nos mester sufri pasobra nos no ta bay tin un manera pa survive.
Mi kier pidi boso ayudo como media, pa please yudami difundi e noticia aki rond di Aruba.
Please, AZV, Gobierno, Aruba henter please nos mester boso ayudo!!!!!!
Un seguro, un gobierno no por laga su hendenan pasa den necesidad! Mester por tin otro opcion. Nos tin algun suherencia pa AZV, cu kisas lo ta más efectivo. pero si nan no ta ni tuma contact cu nos, nos no por haci nada.
Si boso lo desea di contact mi y e otro mamanan di pashent please yama via WhatsApp na 5922166 of na +57-3135297617 ya cu nos no por yama Aruba.
Cordial Saludo,
Ana B. Bermúdez
