Scol lo cuminsa 9:30

ORANJESTAD,Aruba

Sindicato SIMAR a pone tur scol hunto pa asina nan protesta.contra di e cambionan cu tin den enseñansa. Aki bao carta oficial pa mayornan y tur e puntonan pa kico ta protesta pa dos ora awe mainta.

Bon dia mayornan,

Pa medio di esaki mi ta desea di avisa boso cu skol ta cuminsa 9:30 awe. Esaki paso nos como docentenan preocupa ta bai mustra nos descontento 1 biaha mas.

Nos tin mas cu un aña ta mustra na diferente manera nos malcontento den enseñansa… siman pasa atrobe nos a mustra cu un #protestapasivo y e siman aki nos ta cuminsa cu un protesta di 2 ora…
Nos sa cu esaki ta trece algun turbulencia den boso mainta pero nos ta bringando pa nos isla su futuro…pa nos scol, pa nos muchanan y pa nos derechonan.. aki algun di e tantisimo puntonan pakiko awe nos ta dicidi di pone trabou plat pa 2 ora.. un biaha mas..masha danki pa boso comprension.

1. Otro aña escolar San Nicolas no lo tin scol publico.
2. Com Pieter Boer (DPS) tin cu cay bou di SPCOA. no mag inscribi mucha pa kleuterschool, dus ta perhudica e scol den su existencia.
3. Abraham de Veer (DPS) tin cu cay bou di SPCOA. SPCOA mag di haci y deshaci cu e scolnan.
4. Colegio SanNicolas tin cu cay bou di De Schakel.
   Nan ta bay dicidi.
5. PrinsBernard ta bay sera. Bira K12. Schoolgeld ta bay di 385 pa aña pa 3500 pa aña.
   Mucha ta bay haña les via docente di merca via computer
   Tur cos ta Engels.
6. Scol Paso Pa Futuro tin cu split den dos mita tin cu bay Seroe Blanco y mita tin cu bay SPO Santa Cruz. Alumnonan special
7. SPO Santa Cruz tin cu bay manda mucha di nan pa Brazil. Dus nan scol lo tin cu fuseer toch. San Nicolas no por carga tur e muchanan.
8. EPB no mag di tuma docente nobo.
   Dus riba e manera aki ta pusha pa nan toch merge cu EPI. Sierto richting lo no por wordo duna mas. E muchanan di Scol Pa Ofishi no tin oportunidad mas ey ora pa sigui studia na EPB.
9. EPI y EPB tin cu merge.
10. Entrante 1 di juli scolnan publico (DPS) lo lo cai bou di Directie Onderwijs Financiering (DOF). Na ningun momento personal di scolnan publico a ricibi informacion over di esaki.

Tur esaki sin overleg pero dicidi unilateralmente.

Y e manera di e entrega di 5% via basisbezoldiging tot nader orde unda cu lo tin pensioen afbouw. Nos kier ta solidario pero na un forma corecto mescos cu empleadonan di AZV por ehempel.

•