A yega e momento pa Aruba escohe cua structura estatal lo trece un mihor futuro pa nos isla. Nos kier keda cu nos Status Aparte of ta mihor pa Aruba bira un Bijzondere Gemeente di Madre Patria Hulanda?

ORANJESTAD,Aruba

KIKO STATUS APARTE A TRECE PA NOS:

·         Propio Himno & Bandera

·         Propio Gobierno

·         Corupcion, malgastamento di placa y abuso di poder door di gobernantenan

·         Enrikesimento cu placa di pueblo di politiconan, nan famia y nan amigonan den tur gobierno for di 1986 te cu awor

·         Salario, beneficionan, pension y overbruggingstoelage exorbitante pa politiconan y ex-politiconan. Te cu na aña 2010 Ministernan tabata tin derecho pa bai cu pension cu 45 aña, Parlamentarionan cu 50 aña

·          Debe astronomico  di mas cu 4.5 biyon cu lo tuma generacionnan pa paga back

·         Un aparato gubernamental desproporcionalmente grandi pa e isla y impagabel pa e pueblo

·         Dependencia total riba un solo pilar economico

·         Un sistema di salubridad publico cu no ta funciona debidamente y tambe ta impagabel pa e pueblo

·         Nivel abao di educacion, ‘braindrain’ y falta di inversion y modernisacion den enseñansa

·         Infrastructura deficiente

·         Medio ambiente neglisha cu consecuencianan pa e salud y bienestar di pueblo, flora y fauna

·          Paralizacion di sector priva debi na leynan anticua, impuestonan mas halto na mundo y hopi red tape pa por haci negoshi

·         Situacion social deplorable cu problemanan grandi di pobreza, violencia domestico, violencia sexual, adiccion na droga y alcohol, adiccion na gambling

·         Un isla extremadamente caro pa su mesun hende nan

KIKO LO CAMBIA SI ARUBA BIRA UN BIJZONDERE GEMEENTE:

·         Aruba ta keda pertenece na Hulanda manera ta e caso for di 1654

·         Aruba ta keda cu su himno y bandera

·         Aruba ta mantene su idioma, su cultura, su tradicionnan y su fiestanan cultural y Nacional, dia di Betico etc.

·         Arubianonan ta keda cu paspoort Hulandes

·         Arubianonan ta mantene tur nan derechonan mescos cu cualkier Hulandes Europeo

·         Aruba lo tin su propio Gobierno y tambe Burgermeester y diputadonan

·         Lo tin mas control di parlamento riba gobierno, terminando asina cu e asina yama ‘Stempel Parlament’

·         Aruba su gobiernonan lo ta mas stabiel, sin constante lucha pa poder entre partidonan

·         Aruba por dicidi ariba su finanzas publico, pero Hulanda lo yuda termina corrupcion, abuso di poder y malgastamento di placa di pueblo

·         Hulanda lo yuda zorg pa e placa di pueblo wordo inverti na beneficio di pueblo y no na beneficio di un grupito so

·         Hulanda lo sanea e aparato gubernamental, hacie mas eficiente, mas profesional y menos costoso

·         Hulanda lo yuda pa cu un cuerpo policial bon structura, entrena y equipa

·         Hulanda lo sañea e salubridad publico, hisa e calidad di cuido y zorg pa e keda pagabel

·         Hulanda lo yuda modernisa enseñansa y trece na un nivel halto

·         Hulanda lo yuda drecha e clima di inversion na Aruba, pa negoshinan local y internacional

·         Hulanda lo yuda moderniza nos leynan

·         Hulanda lo ytuda drecha nos infrastructura

·         Hulanda lo yuda na drecha e situacion social den tur aspecto

·         Aruba lo keda dicidi cuanto y con e ta cobra impuesto (belasting)

·         Si acaso Aruba no ta yega na fondonan suficiente pa cubri su presupuesto, Gobierno Central di Hulanda lo yuda cu esaki.

·         Aruba por re-negosha su debe cu Hulanda

·         Aruba lo por aplica leynan estricto na fabor di nos medio ambiente, sanea lugarnan cu ta dañá of cu ta causando daño nan nos salud publico, nos ambiente di biba y nos flora y fauna

·         Lo negocia cu e Hulanda pa likida e deuda externo cu proyectonan di PPP ta surpasa 6 biyon. NINGUN GOBIERNO POR SOLUCIONA E DEBE AKI

Escohe kiko bo ta desea pa bo mes, e futuro generacionan y pa nos Aruba.

Bai ariba:https://form.jotform.com/201566399786877 y firma pa un referendum

Si bo deseo ta pa BIN UN REFERENDUM cu e opcion pa Aruba bira un Bijzondere Gemeente di Hulanda, yena e formulario aki. Hunto nos lo por haci un cambio positivo pa Aruba y nos siguiente generacionnan!

 Esnan cu ta desea pa yuda por manda un menseha na Movimiento,futuroaruba@gmail.com

COMISION FUTURO PA UN ARUBA NOBO