Entrante dialuna awor Departamento di Impuesto ta extende su orario di servicio di caha na Camacuri

ORANJESTAD,Aruba

Entrante dialuna awor, dia 1 di juni 2020, Departamento di Impuesto ta extende su orario di servicio di caha na su oficina principal na Camacuri.

E orario di servicio nobo ta:

Dialuna te cu diabierna   7:45 – 11:30   |  1:15 – 3:30

Ta importante pa menciona cu mester tene cuenta cu lo permiti un cantidad limita di persona pa drenta paden, mientras cu paden tambe lo mester tene cuenta cu e distancia rekeri.

Preferibel haci pago online

Departamento di Impuesto ta sigui recomenda y ta haci un apelacion na tur contribuyente pa preferiblemente haci pago di impuesto online via Aruba Bank of Banco di Caribe. E sistemanan di e banconan aki ta conecta automaticamente cu e sistema di DIMP y e mesun dia e transaccion ta keda registra na Departamento di Impuesto. Ora di haci pago online mester scoge e opcion di Bill Pay y no Transfer pa evita cu e detayenan importante di e transaccion ta bay perdi.

Gerencia di Departamento di Impuesto

31 di mei 2020