WILLEMSTAD,Curacao
Mark Nooren, naci na Hulanda, un ehecutivo experto den hospitalidad, y residente di Aruba desde añanan ochenta, recientemente a join Curacao Marriott Beach Resort manera General Manager.
Mark a orguyosamente inicia su carera den hospitalidad na Aruba Bushiri Hotel School na unda el a obtene su prome educacion den hospitalidad. Despues di conclui su Bachelor’s den Hotel Management, na Florida University, el a brinda su expertisio na Holiday Inn, Divi Resorts, y Aruba Renaissance, na unda el a re-brand y reposiciona e resort multi facetico aki di 560 camber den un di e propiedadnan mas grandi di Renaissance den su portfolio di Marriott.
El a funda ‘Alto Vista Hospitality’ den 2005. Un compania enfoca principalmente riba adkisicion, desaroyo y maneho di hospitality y proyectonan real estate dentro di region Caribense. Akinan Mark a disfruta di henter un experiencia completo, desde Bonaire pa Curacao y bek pa Aruba, den e manera aki asistiendo desaroyadornan den proyectonan di escala grandi, manera tambe trabaonan mas chikito cu restaurant.
Tur e temponan aki el a desaroya y cultiva un negoshi stabil di retail na Aruba, cual su team di maneho ta planea pa bolbe habri, manera cu esaki ta posibel pa haci.
Manera cu su CV ta revela, Mark tabata tin cuater aña caba na Curacao Marriott manera Asset Manager, na unda e tabata tin bista di adkisicion di e resort, anto a inicia su renobacion di 40 miyon dollar. Pues, tabata sigur algo cu a fit ora el a wordo puntra pa join Aimbridge Hospitality su team, manera e lider di e beach hotel grandioso aki di 336 camber cual a caba di habri bek den November 2019.
E renobacion a trece un bida nobo den e propiedad, cu un posicion hopi adecua riba seis hectar di oceanfront real estate. E transformation y expansion, a trece un sentimento di luho y emocion na e isla di Curacao completo, particularmente na Piscadera Bay, localisa solamente cinco minuut for di e historico Willemstad, e isla su hub di dining, shop y entretenimento y solamente 15 minuut for di Hato International Airport.
Mark ta un orguyoso tata di cuater mucha homber. E ta casa cu un artista local hopi bon conoci Claudia Ruiz Vasquez. E pareha ta actualmente biba na Alto Vista, Aruba.
Aimbridge Hospitality ta un compania reconoci globalmente, liderando den third-party hotel management operando cu servicio full branded, select service, hotelnan luhoso, destination resorts, convention centers y lifestyle hotels. Aimbridge a uni forsa cu Interstate Hotels & Resorts na 2019, y awor ta representa un premium portfolio di mas cu 1,400 propiedadnan branded y independiente den 49 estado y 20 pais. Aimbridge ta basa na Plano, Texas y tin oficinanan corporativo adicional na Atlanta, Calgary, Chicago, Fargo, Puerto Rico, San Clemente, Scottsdale, Toronto & Washington D.C. Aimbridge su division internacional, Interstate Hotels & Resorts, tin oficinanan di sosten rond di Europa na Amsterdam, Birmingham, Glasgow y Moscow
