ORANJESTAD,Aruba
Presidente y CEO di Sagicor Life Inc, Ravi Rambarran a bisa, “E virus COVID-19 a reforza e hecho con dependiente nos ta di otro. Nos ta reconoce cu heroenan no ta solamente existi den pelicula, pero cu nan ta biba entre nos. Nos heroenan ta den “front line” y ta inclui esnan den sector salud, cuminda, transportacion, servicionan di higiene y proteccion.”
El a continua bisando, “Nos ta kere cu consistente cu nos vision de mehora e calidad di bida di e comunidadnan unda cu nos ta opera, e ta un deber pa reconoce nos heroe nan.”
Sagicor su plan di seguro colectivo lo cubri, dokter, nurse, boticario, cuidadornan, personal administrativo y nan famianan. Beneficionan lo paga a fallecimiento, incluyendo morto accidental, y na un diagnostico official di un malesa critico.
Nivel 1 di e plan pa Aruba ta paga 100,000 na morto, incluyendo morto pa accidente y 50,000 na momento di un diagnosis di un malesa critico;
Nivel 2 lo paga 250,000 na morto incluyendo morto pa accidente y 75,000 na momento di un diagnosis di un malesa critico;
Nivel 3 lo paga 750,000 na morto incluyendo morto pa accidente y 225,000 na momento di un diagnosis di un malesa critico. E cobertura di Seguro ta inclui un 20% complementario na tur nivel, por ejemplo 20,000 mas pa seguro di bida y 10,000 pa malesa critico den Nivel 1.
E premie mensual ta varia di 40 florin na Nivel 1 te cu 225 florin pa luna na Nivel 3.
Rambarran a agrega, “Cada aña nos heroenan lo tin e derecho di switch pa un nivel mas halto. E unico condicion pa join ta si bo ta traha activamente y pa esnan ariba di 65 aña lo mester tambe di un certificado di bon salud. Heroenan cu condicionnan pre-existente no por claim esakinan den e beneficionan di malesa critico pa e mesun malesanan aki. Pero si nan por claim e otro malesa, na diagnostico.
El a reitera, “Nos heroenan ta nos hendenan. Nos tur ta un y nos ta honra di por sirbi nan, manera nan ta sirbi nos. Nan a sacrifica pa mantene nos comunidadnan safe y nos ta honra di ta eynan pa nan.”
Over di Sagicor:
Sagicor ta un proveedor lider di servicionan financiero den Caribe, cu casi 180 aña di historia. E tin un creciente presencia como un proveedor di seguro di bida na Merca. Sagicor tin mas cu 4,500 empleado y ta ofrece un amplio surtido di producto y servicionan, incluyendo seguro di bida, salud, seguro general, servicio di banco, pension, annuiteit y Real Estate. Sagicor su sede ta registra na Claredon House, 2 Church Street, Hamilton, HM11, Bermuda, y su oficina principal ta situa na Cecil F De Caires Building, Wildey, St. Michael, Barbados.
Informacion addicional di Sagicor por obtene cu un bishita na Sagicor.com
Contacto pa informacion:
Ingrid Card
Vice President – Group Marketing, Communications & Brand Experience
Office – 246.467.7500, Cell: 246.230.5315, Email – Ingrid_Card@sagicor.com
Sagicor Financial Corporation, Wildey, St. Michael, Barbados
