ORANJESTAD,Aruba
E siman aki a tuma luga entrega oficial di e Rapport Anual pa aña 2019 na Minister di Turismo Danguillaume Oduber. Usualmente e entrega ta wordo efectua den presencia di Presidente di Hunta di Supervision di A.T.A. conhuntamente cu demas miembro di e Hunta, CEO di A.T.A Ronella Tjin Asjoe-Croes y miembronan di Management di A.T.A. como tambe representantenan di oficina di e firma di accounting encarga cu e auditoria. Sinembargo, debi na e situacion actual pa loke ta trata e crisis di e pandemia COVID-19, e entrega oficial a wordo haci door di CEO di A.T.A. Ronella Tjin Asjoe-Croes na Minister Danguillaume Oduber.
Como e autoridad di turismo na Aruba, A.T.A. ta estricto den su maneho. Gerencia ta laga diferente compania independiente haci auditoria riba base kwartaal y anual. For di 2011, na momento cu Oficina di Turismo a bira independiente, por bisa cu orguyo cu tur aña a sa di cumpli debidamente cu entrega di entre otro e Rapport Anual, cu ta inclui resumen di resultadonan y di trabou haci, como tambe e relato financiero cu su respectivo ‘goedkeurende verklaring.’
Conforme ley, tin dos momento clave pa Oficina di Turismo, e prome ta ora di haci entrega di e presupuesto pa e aña siguiente y e di dos momento ta ora di entrega e Rapport Anual cu e resultadonan di e aña anterior. E Rapport Anual ta consisti di un rapport general, financiero, y un parti unda ta elabora riba e trabao di e Hunta di Supervision. Den e parti general di e rapport ta inclui un compilacion di e logronan di e diferente departamentonan den A.T.A., cual ta e departamentonan di Mercadeo, Strategia Planificacion & Investigacion (‘Strategy Planning & Research’), Destination Services, Recurso Humano, e departamento encarga cu e aspecto financiero, IT y maneho di facilidadnan di A.T.A.
Prome cu Minister aproba e rapport, esaki lo wordo manda pa Parlamento di Aruba ‘ter inzage’ pa 10 dia di trabao. Despues di pone e rapport disponibel na Parlamento di Aruba, Minister di Turismo por duna su aprobacion formal pa cu e Rapport Anual di A.T.A., e edicion di 2019 pa ta exacto.
Esaki ta e di nuebe Rapport Anual di A.T.A. cu a wordo completa y cu ta carga un ‘goedkeurende verklaring’ di un compania di accounting independiente, esta Ernst & Young den e caso aki. Pa A.T.A. e ta un ehercicio extenso di suma importancia y un parti integral di e maneho cu ta cana man den man cu ley como tambe codigo di ‘Good Corporate Governance’ stipula pa A.T.A. Mester añadi cu fuera di esaki, A.T.A. ta tene un auditoria financiero independiente per kwartaal. Esaki ta wordo conduci pa e oficina di accounting independiente, esta Grant Thornton.
A.T.A. ta pone hopi enfasis riba su maneho financiero y riba un maneho conforme ley aplicabel pa A.T.A., como tambe conforme locual ta constitui ‘Good Corporate Governance’. E pasonan aki como tal ta refleho di un maneho cu ‘Checks & Balances’ adecua unda A.T.A. ta entre otro wordo audita door di companianan independiente, conforme reglanan internacional.
Resultado di aña 2019
Durante 2019, Aruba por a mira hopi exito y crecemento. E asina yama ‘Tourism Credits’ ta proyecta pa cera cu un crecemento entre 4% pa 6%. Na final di e di tres kwartaal di 2019, Aruba a ricibi un total di 1.120.655 turistanan ‘stay-over’. E mercado principal pa Aruba su turismo cu ta Norte America, ta proyecta pa cera cu un crecemento di 11%, cu ta esun mas halto desde aña 2004. Esaki ta e resultado di esfuersonan adicional y ahustacion strategico cu a wordo haci durante e aña pa cu mercadeo den entre otro e mercado Mericano. Pa 2019 A.T.A. ta proyecta cu lo cera cu un crecemento den e total di turismo ‘stay-over’ cu 3%. Pa loke ta trata e industria di crucero, esaki a cera aña 2019 cu un crecemento di 2.1%. For di Aruba Hotel And Tourism Association (AHATA) a nota un aumento den e RevPAR cu 7.5% (US$ 233.89). Compara cu otro destinacionnan den Caribe, Aruba a mantene su posicion como e di tres destinacion pa loke ta trata Aruba su ‘overall performance’. Pa loke ta trata e occupancy, Aruba a score como esun mas halto den Caribe cu 75.1%.
Gradicimento
A.T.A. ta felicita e ekipo completo di A.T.A. pa un otro bunita logro, esta di por a entrega un rapport cu un ‘goedkeurende verklaring’. Tambe ta gradici Hunta di Supervision, kende a duna prioridad un biaha mas na e rapport importante aki pa A.T.A. y pa bienestar di nos sector turistico. Ademas ta gradici Ernst & Young y mas cu claro ta gradici Minister di Turismo pa e diligencia necesario cu lo ser duna na revision y aprobacion di e documento aki.
Nos ta encontra nos mes den momentonan sumamente dificil. Nos Rapport Annual pa 2020 lo ta uno hopi diferente compara cu e ultimo añanan. A.T.A. lo haci su maximo esfuerso pa traha riba e pilar di nos economia, nos turismo. Diversificacion y inovacion economico sigur ta keda importante y ta aspectonan cu A.T.A. ta para p’e! Lo tene esaki central tambe den e proceso di recuperacion di nos pilar economico cu lo keda ta, nos turismo. Ban stim’e y cuid’e.
E siman aki a tuma luga entrega oficial di e Rapport Anual pa aña 2019 na Minister di Turismo Danguillaume Oduber. Usualmente e entrega ta wordo efectua den presencia di Presidente di Hunta di Supervision di A.T.A. conhuntamente cu demas miembro di e Hunta, CEO di A.T.A Ronella Tjin Asjoe-Croes y miembronan di Management di A.T.A. como tambe representantenan di oficina di e firma di accounting encarga cu e auditoria. Sinembargo, debi na e situacion actual pa loke ta trata e crisis di e pandemia COVID-19, e entrega oficial a wordo haci door di CEO di A.T.A. Ronella Tjin Asjoe-Croes na Minister Danguillaume Oduber.
Como e autoridad di turismo na Aruba, A.T.A. ta estricto den su maneho. Gerencia ta laga diferente compania independiente haci auditoria riba base kwartaal y anual. For di 2011, na momento cu Oficina di Turismo a bira independiente, por bisa cu orguyo cu tur aña a sa di cumpli debidamente cu entrega di entre otro e Rapport Anual, cu ta inclui resumen di resultadonan y di trabou haci, como tambe e relato financiero cu su respectivo ‘goedkeurende verklaring.’
Conforme ley, tin dos momento clave pa Oficina di Turismo, e prome ta ora di haci entrega di e presupuesto pa e aña siguiente y e di dos momento ta ora di entrega e Rapport Anual cu e resultadonan di e aña anterior. E Rapport Anual ta consisti di un rapport general, financiero, y un parti unda ta elabora riba e trabao di e Hunta di Supervision. Den e parti general di e rapport ta inclui un compilacion di e logronan di e diferente departamentonan den A.T.A., cual ta e departamentonan di Mercadeo, Strategia Planificacion & Investigacion (‘Strategy Planning & Research’), Destination Services, Recurso Humano, e departamento encarga cu e aspecto financiero, IT y maneho di facilidadnan di A.T.A.
Prome cu Minister aproba e rapport, esaki lo wordo manda pa Parlamento di Aruba ‘ter inzage’ pa 10 dia di trabao. Despues di pone e rapport disponibel na Parlamento di Aruba, Minister di Turismo por duna su aprobacion formal pa cu e Rapport Anual di A.T.A., e edicion di 2019 pa ta exacto.
Esaki ta e di nuebe Rapport Anual di A.T.A. cu a wordo completa y cu ta carga un ‘goedkeurende verklaring’ di un compania di accounting independiente, esta Ernst & Young den e caso aki. Pa A.T.A. e ta un ehercicio extenso di suma importancia y un parti integral di e maneho cu ta cana man den man cu ley como tambe codigo di ‘Good Corporate Governance’ stipula pa A.T.A. Mester añadi cu fuera di esaki, A.T.A. ta tene un auditoria financiero independiente per kwartaal. Esaki ta wordo conduci pa e oficina di accounting independiente, esta Grant Thornton.
A.T.A. ta pone hopi enfasis riba su maneho financiero y riba un maneho conforme ley aplicabel pa A.T.A., como tambe conforme locual ta constitui ‘Good Corporate Governance’. E pasonan aki como tal ta refleho di un maneho cu ‘Checks & Balances’ adecua unda A.T.A. ta entre otro wordo audita door di companianan independiente, conforme reglanan internacional.
Resultado di aña 2019
Durante 2019, Aruba por a mira hopi exito y crecemento. E asina yama ‘Tourism Credits’ ta proyecta pa cera cu un crecemento entre 4% pa 6%. Na final di e di tres kwartaal di 2019, Aruba a ricibi un total di 1.120.655 turistanan ‘stay-over’. E mercado principal pa Aruba su turismo cu ta Norte America, ta proyecta pa cera cu un crecemento di 11%, cu ta esun mas halto desde aña 2004. Esaki ta e resultado di esfuersonan adicional y ahustacion strategico cu a wordo haci durante e aña pa cu mercadeo den entre otro e mercado Mericano. Pa 2019 A.T.A. ta proyecta cu lo cera cu un crecemento den e total di turismo ‘stay-over’ cu 3%. Pa loke ta trata e industria di crucero, esaki a cera aña 2019 cu un crecemento di 2.1%. For di Aruba Hotel And Tourism Association (AHATA) a nota un aumento den e RevPAR cu 7.5% (US$ 233.89). Compara cu otro destinacionnan den Caribe, Aruba a mantene su posicion como e di tres destinacion pa loke ta trata Aruba su ‘overall performance’. Pa loke ta trata e occupancy, Aruba a score como esun mas halto den Caribe cu 75.1%.
Gradicimento
A.T.A. ta felicita e ekipo completo di A.T.A. pa un otro bunita logro, esta di por a entrega un rapport cu un ‘goedkeurende verklaring’. Tambe ta gradici Hunta di Supervision, kende a duna prioridad un biaha mas na e rapport importante aki pa A.T.A. y pa bienestar di nos sector turistico. Ademas ta gradici Ernst & Young y mas cu claro ta gradici Minister di Turismo pa e diligencia necesario cu lo ser duna na revision y aprobacion di e documento aki.
Nos ta encontra nos mes den momentonan sumamente dificil. Nos Rapport Annual pa 2020 lo ta uno hopi diferente compara cu e ultimo añanan. A.T.A. lo haci su maximo esfuerso pa traha riba e pilar di nos economia, nos turismo. Diversificacion y inovacion economico sigur ta keda importante y ta aspectonan cu A.T.A. ta para p’e! Lo tene esaki central tambe den e proceso di recuperacion di nos pilar economico cu lo keda ta, nos turismo. Ban stim’e y cuid’e.
-FIN-
-FIN-
