ORANJESTAD,Aruba
Durante e ultimo simanan, Cruz Cora a aporta na varios manera na e situacion dificil cu e Covid-19 pandemia, cu varios organizacion pero tambe a cumpli cu su mesun programa di ayudo social, incluyendo sondeo den comunidad pa wak unda tin mas necesidad (Needs Assessments), a setup un Data Entry team cu tabata procesa tur e informacion y pone casonan di urgencia pa e Crisis Team actua mesora.
Tambe a uni forza cu YMCA y Cede Aruba pa asina parti 200 cuminda cayente tur dia. Tambe ta parti cuminsa riba caya den weekend cu sosten di Amsterdam Manor Beach Resort. Esaki ta posibel tambe cu e sosten di Hot Wheels Car Rental.
Diariamente ta ricibi peticionan pa ayudo via www.redcrossaruba.com/projecto-asistencia-social/ y e team ta aplica varios criteria pa asina por tambe yuda famianan mas vulnerabel cu vouchers di cuminda. Awor comunidad por tambe yuda Cruz Cora! Cu un donacion por yuda mas famia. E suma di e donacion ta refleha tambe con grandi e famia cu por yuda ta.
Suma por ta di AWG. 100,=/ 150,=/225,=/375,=.
Alivia situacion di un famia hunto cu Cruz Cora Aruba!
Por haci e donacion di varios manera:
Cu transfer na Aruba Bank # 14.15.629
Via website cu Aruba Bank Master Debit Card na www.redcrossaruba.com/donate
Por manda SMS 7777 cu suma y Red Cross Aruba
y por paga cu Pay.aw
CONTACTO CU NOS:
Cruz Cora Dakota ta sera pa publico, pero ta disponibel
na tel. 582-2219, 560 8359 via Whatsapp y tambe via e-mail: info@redcrossaruba.com
Departamento di Ayudo Social na cel. 568-8896 y socialassistance@redcrossaruba.com
