ORANJESTAD,Aruba
Cruz Cora Aruba ta contento di por yuda comunidad durante e temporada di Covid-19, por medio di e Proyecto “Meals on Wheels” cu a cuminsa dialuna, 20 di april, den colaboracion cu Cede Aruba y YMCA. Ta parti mas cu 100 cuminda cayente pa dia, den weekend 200 cuminda pa dia. Ta prepara pa parti mas of menos 20.000 cuminda den e proximo simanan.
Con esaki ta traha?
Por haci peticion pa ayudo via e website di Cruz Cora na https://redcrossaruba.com/covid-19-meals-on-wheels-program/
Na momento cu e peticion drenta, un team di ayudo social lo evalua e caso. Na momento cu e caso ta wordo aproba pa ricibi ayudo, e cuminda ta wordo entrega diariamente. Den e proyecto aki, mester remarca cu ta yuda personanan mas vulnerabel den nos comunidad. Tur caso ta wordo evalua, ta haci bishita na cas (Needs Assessment Team) pa comproba situacion y asina ta wak si e persona ta cualifica pa ayudo cu cuminda.
Voluntarionan di Cruz Cora ta diaramente busca e cumindanan cla caba na YMCA, unda voluntarionan ta prepara tur e cuminda, y ta pasa tur adres registra y entrega na e cliente.
CONTACTO CU NOS:
Cruz Cora Dakota ta sera pa publico, pero ta disponibel
na tel. 582-2219, 560 8359 via Whatsapp y tambe via e-mail: info@redcrossaruba.com
Departamento di Ayudo Social na cel. 568-8896 y
