ORANJESTAD,Aruba
Parlamentario Endy Croes cu un peticion special na tur supermercadonan. Aruba ta pasando den momentonan hopi dificil. Corona Virus a causa un cambio grandi den mundo henter. Den un tempo relativamente cortico den apenas algun luna paisnan rond mundo a “shutdown” airportnan, sera schoolnan, sera diferente negoshinan unda hendenan ta aglomera y pidi hendenan pa no shakehands, no braza otro, no sunchi, mantene distancia social y keda cas y stop di plame! Tur e medidanan mundial aki ta pa juda controla pa e virus no plama demaciado liher esta pa un hende pega otro asina rapido y asina cumpli cu e parti di “flatten the curve” pa no overommpeld nos systema di salud, hospital y Intensive Care Unit. Banda di di esaki mundo henter a sufri un colapse economico. Aruba sinembargo a sinti esaki mucho mas pisa. Debi cu nos unico pilar ecomomico esta turismo tambe a “shutdown” completamente. Den historia nunka nos a biba pensa di mira nos hotelnan bashi. Rapport di Standard & Poors recientemente den luna di maart a publica un rapport unda Aruba den 122 pais cu nan a evalua den 3 di 4 tabel a sali number uno di e pais mas afecta. Consecuentemente cifrasnan y data di Economische Zaken y ( SVB) ta ilustra cu 25 mil hende lo perde trabou directo of indirectamente. E challenge grandi pa gobierno di Aruba ta pa buska den un manera rapido pa alivia y sostene e famianan afecta cu a perde trabou. Parlamentareio Endy Croes ta sigui splika hopi importante ta pa nos concuidadanonan por logra haña comestibles na un prijs faborabel durante crisis pa nan por come na un manera decente. Famianan, mamanan, tatanan, bisiñanan y henter pueblo mester por tin comestibles na prijs accesible. Supermercadonan na Aruba pa mas di 90% ta maneha pa colonia chines . Sigur hopi aprecia kendenan a traha duro pa juda build op Aruba. E siman aki Chinesnan a regala gobierno masha hopi “mask” pa tur esnan cu ta traha cu gobierno den e frontline exponiendo nan mes pa bringa e corona virus pa salba bida di otro. Un gratitud na comunidad Chines pa esaki. Parlamentario Endy Croes ta hasi un apelacion adicional na comunidad chines primordialmente tur supermercadonan pa considera pa bay un “extra mile” cu Pueblo. Considera baha 10% for di ganashi pa e lunanan nos dilanti pa un tempo defini. Brinda pueblo e sosten pa nan 100 florin por jega pa mas comestibles y por biba y come digno. Pueblo lo aprecia e solidarismo y empathia aki dado caso nos por logra. Hunto nos mester por. Parlamentario Endy Croes ta termina pidiendo pueblo pa laga nos hala faha mara y cu un ayudo di nos supermercadonan nos lo pasa hunto den e crisis aki y lo sali afor fuerte.
![Parlamentario Endy Croes: Peticion Na Tur Supermercado Chines Ta Pidi Chinesnan Pa Baha Prijs Di Comestibles Durante Crisis 155 Image 15](https://www.earubianonews.com/wp-content/uploads/2020/04/Image-15-400x600.jpeg)