ORANJESTAD,Aruba
Parlamentario Endy Croes ta lamenta masha hopi mes e weganan politico cu partido AVP a escoge pa hunga mei mei den un crisis mundial.
Ta un realidad cu Mundo henter ta paralisa pa e Corona Virus tambe jama Coved-19. E virus cu a inicia na Wuhan China a ataka mundo henter y a bira un pandemia cual na un manera violento sin presidencia a percura pa mas di 2 miyon hende worldwide cu a wordo infecta y mas di 125.000 morto. Merca ( USA) tin mas di 25 mil fayesido mientras Italia cu 21000, Spaña 18000, Francia 15000 y Hulanda, Belgie y Alemania tur mas cu 3000 fayesido. Esaki ta pa refleha e e seriedad di e Virus aki cu a cambia nos manera di biba den corto tempo y alaves realisa cu no ta momento pa hasi weganan politico.
Gobiernonan rond mundo man na cabez:
Corona Virus a ocasiona cu Gobiernonan rond mundo ta man na cabez. Ningun pero ningun experto tin un contesta concreto kiko lo ta e efecto final di e virus aki, ki dia nos lo por tinie bou control y cuanto esaki lo costa mundo henter. Tur gobiernonan y expertonan ta enfocando riba salud di nan pueblo na promer lugar con por combati y gana e bataya aki contra un oponente cu Bo no por ni mira cu bo wowonan. Na di dos lugar gobiernonan ta kibra cabez kiko ta e mihor ayudo pa brinda pueblo y con lo mester hasi esaki na e momento cu mas pueblo mester di dije. E no ta un tarea facil y tur esnan den frontline casi no ta drumi y e Team di Crisis ta trahando around the clock tras di Liderasco di Promer Minister Evelyn Wever Croes y henter su elenco di Ministernan y proficionalnan.
Parlamentario Endy Croes ta mantene AVP responsabel pa disturbio:
Parlamentario Endy Croes ta splika cu e no kier trese polemica y ta keda enfoca riba e hende y e ayudo cu pueblo tin mester. Cos ta bay bira mas pisa y nos mester tey pa otro. Ta momento pa mustra solidarismo un pa cu otro. E Parlamentario ta lamenta masha hopi con Mike Eman y AVP ta usa e crisis aki pa hunga cu sentimiento y dolor di pueblo. Mike Eman ta usa e momentonan aki pa inicialmente purba sali den nomber di un Lider sin funcion unda te hasta a usa e situacion di salud di su casa ( na kende nos ta desea beterschap) pa hunga cu sentimento di pueblo purbando di gana simpatia. Despues Mike Eman kende a escoge “willens en weten” pa keda pafor di Parlamento tracionando su votadornan a bin cu un speech nacional. Den nomber di ken y bou ki funcion? Awor nos por a tuma nota e tendencia pa cende candela y hasta ataka auto di Brandweer na manera masha baho. AVP ta responsabel y historia a demostra nan modus operandi: Historia ta scirbi riba baranca. Por corda con AVP a mara nan hendenan na cadena dilanti Parlamento pa crea desturbio, por corda con activistanan di AVP na inicio di Caya Betico Croes a sera Caya Betico Croes na cadena y a basha masha hopi sushi den henter e caya. Por corda con activistanan di AVP a saca curpa di Libertador Betico Croes for di su kelder. Por corda con activistanan di AVP a sinta bati weya dia Mike Eman a haña un KB riba su nomber y a tira auto di Gobernador cu ijs y webo. Asina tin hopi prueba mas di e nivel di AVP. Por tuma nota recien di un activista di AVP kende no a perde salario pero pa complase Mike Eman kende probablemente a duna e instrucion a bati weya den Bushiri tresiendo disturbio mei mei den un crisis. Pues Polisnan no mester buska leeuw pero solamente vigila activistanan conosi di AVP y pronto lo saca e puzzle cu ta AVP ta paga hende pa bati weya, cende candela y mei mei di un crisis mundial crea disturbio den un Pais pa purba saca probecho politico.
![Parlamentario Endy Croes: Ta Lamenta Weganan Politico Den Crisis Ta Mantene Avp Responsabel Pa Disturbio Na Aruba 155 Image 9](https://www.earubianonews.com/wp-content/uploads/2020/04/Image-9.jpeg)